Hin Reykjavík

Raddir hinna kúguðu

Borgarmálin frá sjónarhóli þeirra sem sjaldan er haft samráð við í rekstri og uppbyggingu borgarinnar. Hin Reykjavík varpar ljósi á þær raddir í samfélaginu sem hafa reynslu af því sem þarf að laga til hins betra.

Umsjón: Sanna Magdalena Mörtudóttir og Laufey Líndal Ólafsdóttir

Sanna Reykjavík

Sanna Reykjavíkarrow_forward

S04 E001 — 27. nóv 2022

28. Október
Í fyrsta þætti nýs kjörtímabils ætla borgarfulltrúar Sósíalista að ræða málefni Strætó. Til okkar koma tveir góðir gestir. Annar þeirra er vagnstjóri hjá Strætó, Pétur Karlsson og hinn er farþegi sem nýtir sér reglulega þjónustuna, Sturla Freyr Magnússon. Við viljum heyra hvað þeir hafa að segja um Strætó. Hvernig leggjast nýjustu fréttir í þá um aukna einkavæðingu? Er leiðarkerfið að þjóna farþegum eins vel og ætti að ganga? Er nógu mikið hlustað á það sem farþegar og vagnstjórar hafa að segja um þjónustu Strætó? Svör við þessum og fleiri spurningum í þætti kvöldsins.

Sanna Reykjavík

Sanna Reykjavíkarrow_forward

S04 E005 —

Lífið í Lönguhlíð!

25. Nóvember 2022 Íbúðar Hlíða sunnan Miklubrautar og fyrir neðan Bústaðaveg hafa sett af stað undirskriftarsöfnun þar sem þess er krafist að borgaryfirvöld sinni Lönguhlíð sem er skipulögð sem borgargata. Íbúar telja þörf á að gatan, sem er miðja hverfisins, fái athygli og yfirhalningu til að standa undir því nafni. Við ræðum við Jökul Sólberg Auðunsson um aðstæður í hverfinu og viðbrögð borgaryfirvalda.

Sanna Reykjavík

Sanna Reykjavíkarrow_forward

S04 E003 —

 Umhverfissálfræðileg sjónarmið í borgarhönnun

18. Nóvember 2022 Umhverfið hefur mikil áhrif á okkur mannfólkið og í þættinum skoðum við sálræn áhrif umhverfis, skipulagningar og hönnunar. Við skoðum hvaða sjónarmið eru ráðandi í uppbyggingu og hönnun borgarrýma og almenningssvæða. Þar að auki skoðum við hvort að fjármagn eða íbúar hafi meira vægi í mótun nærumhverfis. Þá spyrjum við einnig hvort að skipulag geti verið útilokandi fyrir ákveðna hópa samfélagsins og hvernig sé hægt að tryggja að svo verði ekki. Móheiður Helga Huldudóttir Obel, arkitekt og Páll Jakob Líndal, umhverfissálfræðingur koma til okkar að ræða þessi mál.

Sanna Reykjavík

Sanna Reykjavíkarrow_forward

S04 E002 —

Staðan í borginni – 11.September

Að þessu sinni munu borgarfulltrúar Sósíalistaflokksins, Trausti Breiðfjörð Magnússon og Sanna Magdalena Mörtudóttir ræða stöðuna í borginni. Við förum yfir það hvernig hægt er að berjast fyrir réttindum og bættum kjörum innan borgarinnar. Áhersla verður sett á framfærslu, húsnæðismál, og mikilvægi þess að rödd íbúanna og þeirra sem best þekkja til, sé í allri stefnumótun. Samstöðin er samfélagssjónvarp og vettvangur fyrir róttæka samfélagsumræðu og raddir þeirra sem ekki fá rúm í umfjöllun meginstraumsmiðla. Þættir Samstöðvarinnar eru allt í senn fundir, sjónvarps-, útvarps- og hlaðvarpsþættir og innlegg í gagnvirka umræðu á samfélagsmiðlum.

Hin Reykjavík – Spjall við Peppara

Hin Reykjavík – Spjall við Pepparaarrow_forward

S03 E024 — 5. maí 2022

Peppararnir Hildur og Silva segja okkur frá samtökunum, lífinu og hvernig má betrumbæta samfélagið.

Hin Reykjavík – „Fjör“ á fjárhagsaðstoð!

Hin Reykjavík – „Fjör“ á fjárhagsaðstoð!arrow_forward

S03 E023 — 20. apr 2022

Sanna ræðir við Omel Svavarss um aðstæður fólks á fjárhagsaðstoð, en Omel er að glíma við veikindi og hefur lent á milli kerfa og þurft að vera á fjárhagsaðstoð frá Reykjavíkurborg á meðan, en það ástand hefur varað í tvö ár.

Hin Reykjavík – Staða einhverfra í skólakerfinu

Hin Reykjavík – Staða einhverfra í skólakerfinuarrow_forward

S03 E022 — 5. apr 2022

Halldóra Hafsteinsdóttir fræðir okkur um einhverfu og hvernig kassalaga samfélag nær ekki að taka á móti fjölbreyttum þörfum fólks. Í þættinum ræðum við skólakerfið frá leikskóla og upp í grunnskóla og hvernig það er í stakk búið til að taka á móti þörfum einhverfra barna. Ljóst er að það þarf að laga margt í samfélaginu til að tryggja að hægt sé að taka á móti fjölbreyttum þörfum barna.

Hin Reykjavík – Leigjendur krefjast aðgerða

Hin Reykjavík – Leigjendur krefjast aðgerðaarrow_forward

S03 E021 — 1. apr 2022

Sanna ræðir við Guðmund Hrafn Arngrímsson, formann leigjendasamtakanna, um fund borgarstjóra um stefnu og aðgerðir Reykjavíkurborgar í uppbyggingu húsnæðis.

Hin Reykjavik – Stuðningskennsla í grunnskólum

Hin Reykjavik – Stuðningskennsla í grunnskólumarrow_forward

S03 E020 — 29. mar 2022

Laufey ræðir við Thelmu Rún Gylfadóttur um reynslu hennar af sérkennslu og öðrum stuðningi við börn í leik- og grunnskólum. Thelma starfar sem sérkennari í grunnskóla í Garðabæ en er einnig foreldri barns sem sækir grunnskóla í Reykjavík. Rætt er um þau úrræði sem til boða (og þau sem standa ekki til boða) og hvað væri mögulega hægt að gera til að tryggja öllum börnum þann stuðning sem þau þurfa á að halda í sinni skólagöngu.

Hin Reykjavík – Skólar og þarfir barna

Hin Reykjavík – Skólar og þarfir barnaarrow_forward

S03 E019 — 18. mar 2022

Fjóla Heiðdal segir okkur frá reynslu sinni af skólakerfinu og stuðningsúrræðum í tengslum við skólagöngu barnsins síns. Við heyrum hvernig er brugðist við þegar þörf er á stuðningi og hvað megi betur fara. Í þættinum ræðum við hvernig kerfið tekur á móti foreldrum og börnum með ákveðnar greiningar.

Hin Reykjavík – Valdið til fólksins!

Hin Reykjavík – Valdið til fólksins!arrow_forward

S03 E018 — 15. mar 2022

Guðmundur Auðunsson og Sanna Magdalena Mörtudóttir ræða stefnuyfirlýsingu sósíalista fyrir komandi sveitarstjórnarkosningar sem ber heitir Valdið til fólksins!

Útgangspunkturinn snýr að því að íbúar og starfsfólk sveitarfélaga komi meira að mótun og ákvarðanatöku innan sveitarfélaganna. Til þess að það verði að veruleika þarf að stórauka tekjur til sveitarfélaga og tryggja að fjármagnið verði sótt til þeirra sem hafa færi á því að greiða það. Í þættinum verður farið yfir stefnumálin og það sett í samhengi við veruleika íbúa. Stefnuyfirlýsinguna má lesa inni á heimasíðu Sósíalistaflokksins undir heitinu: Valdið til fólksins!

Hin Reykjavík – Lágar upphæðir fjárhagsaðstoðar

Hin Reykjavík – Lágar upphæðir fjárhagsaðstoðararrow_forward

S03 E017 — 11. mar 2022

Sveitarfélögum er skylt að veita þeim sem ekki geta séð sér og sínum farborða án aðstoðar, fjárhagsaðstoð til framfærslu. Grunnfjárhæðin er mjög lág og er hún 217.799 hjá Reykjavíkurborg og lækkar ef viðkomandi býr ekki í eigin húsnæði eða leigir húsnæði. Þar að auki er litið til tekna maka, þannig að réttur einstaklings til fjárhagsaðstoðar skerðist eða dettur út ef tekjur maka eru hærri en það sem hjón eða sambúðarfólk eiga rétt á hjá sveitarfélögunum. Í dag er miðað við svokallaðan hjónakvarða til hjóna/sambúðarfólks sem er 348.476 á mánuði.

Ása Lind Finnbogadóttir kemur til okkar í þáttinn en nýlega greindi hún frá því að maki hennar ætti ekki rétt á fjárhagsaðstoð vegna tekna hennar og erfitt væri að sjá fyrir sér hvernig dæmið ætti að ganga upp. Í þættinum ræðum við þetta og hvernig félagslegu kerfin sem eiga að grípa okkur, gera það ekki.

Hin Reykjavík – Andfemínískt skipulag borga

Hin Reykjavík – Andfemínískt skipulag borgaarrow_forward

S03 E016 — 8. mar 2022

Við ræðum skipulag borga og hvernig rými eru hönnuð og hvernig skipulag og aðrir þættir geta komið í veg fyrir að þau henti ákveðnum hópum. Sara Stef og Þóra Kristín Þórsdóttir koma í þáttinn og við ræðum m.a. snjóruðningar, sundlaugar og samgöngur.

Hin Reykjavík – R.E.C Arts Reykjavík

Hin Reykjavík – R.E.C Arts Reykjavíkarrow_forward

S03 E015 — 1. mar 2022

Today’s show will be in English as we are joined with R.E.C Arts Reykjavík, a new theatrical and artistic creative team based in Reykjavík. Their aim is to bring diversity, visibility and representation of marginalized groups to the mainstream theater, dance and music scenes in Iceland. Chaiwe Sól, Eva Björk and Rebecca Hidalgo tell us how R.E.C Arts Reykjavík started out and how it’s going. We also discuss what needs to change in the Icelandic community to make sure that it truly is a place for all of us who reside here. You can find them on Facebook and Instagram under the name: R.E.C. Arts Reykjavík

Hin Reykjavík – Réttlæti fyrir börn vöggustofanna

Hin Reykjavík – Réttlæti fyrir börn vöggustofannaarrow_forward

S03 E014 — 25. feb 2022

Árni H. Kristjánsson og Viðar Eggertsson segja okkur frá málefnum vöggustofanna og afleiðingum þess á börn og fjölskyldur. Vöggustofur voru reknar á vegum borgarinnar á árunum 1949-1979 og voru hugsuð sem úrræði fyrir börn sem bjuggu við erfiðar félagslegar aðstæður, oftast var um að ræða börn alþýðufólks.

Inni á vöggustofunum var ekki hugað að þörfum barnanna og Árni og Viðar segja okkur frá félagslegum, andlegum og líkamlegum afleiðingum sem þetta hafði í för með sér. Við ræðum hvað þarf að gera varðandi rannsókn málsins og hvar málið er statt innan borgarkerfisins.

Hin Reykjavík – Samstaða, mótmæli og kraftur fjöldans

Hin Reykjavík – Samstaða, mótmæli og kraftur fjöldansarrow_forward

S03 E013 — 22. feb 2022

Við ræðum mikilvægi samstöðu, mótmæli og kraftinn sem á sér stað í því þegar margir einstaklingar koma saman til að senda skýr skilaboð. Karl Héðinn Kristjánsson, Rúnar Freyr Júlíusson og Trausti Breiðfjörð Magnússon ungir sósíalistar koma í Hina Reykjavík til þess að ræða mótmælin gegn ofsóknum á fjölmiðlafólki sem fóru fram síðastliðinn laugardag. Mótmælin voru haldin samtímis á Austurvelli í miðbæ Reykjavíkur og Ráðhústorginu á Akureyri. Við ræðum skipulagsferlið á bak við mótmæli og mikilvægi samstöðunnar.

Hin Reykjavík – Réttindabarátta leigjenda

Hin Reykjavík – Réttindabarátta leigjendaarrow_forward

S03 E012 — 18. feb 2022

Guðmundur Hrafn Arngrímsson leigjandi og stjórnarmeðlimur í Samtökum leigjenda á Íslandi segir okkur frá stöðu og kröfum leigjenda. Við förum yfir stöðuna á Íslandi og erlendis og skoðum árangursríkar baráttuaðferðir sem hafa virkað til að bæta stöðu leigjenda. Samtök leigjenda á Íslandi gáfu nýverið út viðmiðunarverð svo leigjendur og leigusalar geti glöggvað sig á raunvirði leigu. Í þættinum fjöllum við um viðbrögðin sem sú reiknivél hefur fengið og viðbrögðin við kröfum leigjenda í samfélaginu almennt.

Hin Reykjavík – Útrýmum fátækt

Hin Reykjavík – Útrýmum fátæktarrow_forward

S03 E011 — 15. feb 2022

Hvernig útrýmum við fátækt? Ásta Dís Skjalddal samhæfingastjóri hjá PEPP Ísland grasrót fólks í fátækt og Laufey Líndal Ólafsdóttir, peppari ræða þessi mál í Hinni Reykjavík. Við fjöllum um þær aðgerðir sem þurfa að eiga sér stað til að útrýma fátækt, hvernig megi koma þeim í framkvæmd og hvernig eigi að mæta fátæku fólki.

Hin Reykjavík – Betri strætó

Hin Reykjavík – Betri strætóarrow_forward

S03 E010 — 11. feb 2022

Hvernig virkar strætó fyrir borgarbúa, hvað þarf að laga og hvernig má ná því fram? Til þess að ræða þessi mál koma Björn Reynir Halldórsson, Claudia Overesch og Laufey Líndal Ólafsdóttir í Hina Reykjavík. Við ræðum þjónustu strætó, hvernig tekið er á móti ábendingum strætófarþega, aðgengi að strætó og strætóskýlum, öryggi í vögnum og margt fleira. Þá fjöllum við einnig um tengsl á milli hverfa og innan hverfa og útvistun á störfum innan strætó. 

Hin Reykjavík – Verkalýðsbarátta

Hin Reykjavík – Verkalýðsbaráttaarrow_forward

S03 E009 — 8. feb 2022

Sæþór Benjamín Randalsson og Guðbjörg María Jósepsdóttir, félagar í Eflingu segja okkur frá mikilvægi þess að vera í stéttarfélagi. Í tilefni þess að stjórnarkosningar hjá Eflingu fara fram dagana 9.- 15. febrúar spyrjum við út í fyrstu skref þeirra í skipulagðri verkalýðsbaráttu, hvað hún snýst um og hvernig megi ná árangri. Sæþór og Guðbjörg bjóða sig fram til stjórnar Eflingar hjá Baráttulistanum og í þættinum spyrjum við út í áherslur listans og stefnumál.

Hin Reykjavík – Efnahagslegt óréttlæti í orkumálum

Hin Reykjavík – Efnahagslegt óréttlæti í orkumálumarrow_forward

S03 E008 — 4. feb 2022

Laufey Ólafsdóttir segir okkur frá starfi EAPN (European Anti Poverty Network) og nýlegum umræðufundi um aðgengi að rafmagnsorku og húshitun. Vegna fátæktar hafa ekki allir það aðgengi. EAPN eru evrópsk samtök sem berjast gegn fátækt og félagslegri einangrun og stóðu ásamt öðrum samtökum fyrir alþjóðlegum fundi um orkumál og aðgengi að þeim.

Í þættinum förum við yfir kröfur sem fram hafa komið varðandi aðgengi fólks að orku og setjum það í samhengi við málin í borginni.

Hin Reykjavík – Fátækt í Reykjavík

Hin Reykjavík – Fátækt í Reykjavíkarrow_forward

S03 E007 — 1. feb 2022

Peppararnir Birna Kristín Sigurjónsdóttir og Hildur Oddsdóttir segja okkur frá starfi PEPP Ísland, grasrót fólks í fátækt. Þær segja okkur frá starfsemi samtakanna, valdeflingunni sem felst í því að koma fram með því að viðurkenna stöðu stöðu sína og tala um hana. Í þættinum fjöllum við um mikilvægi þess að hitta fólk sem þekkir það að búa við fátækt og hvernig það nýtist í baráttunni gegn fátækt og félagslegri einangrun.

Hin Reykjavík – Aðstöðuleysi í grunnskólum

Hin Reykjavík – Aðstöðuleysi í grunnskólumarrow_forward

S03 E006 — 28. jan 2022

Símon Vestarr, íslenskukennari ræðir við okkur um stöðu grunnskólana. Í þættinum skoðum við aðstöðuna sem kennarar og starfsfólk grunnskóla hefur til að taka á móti börnum, rýmið og móttökuáætlanir fyrir börn af erlendum uppruna.

Í þættinum skoðum við hvað skólarnir þurfa til að veita góða aðstöðu og hvaða þættir ógni því að börn geti átt góða grunnskólagöngu. Margt utan við skólann hefur áhrif á líðan nemanda og því skoðum við einnig aðra félagslega þætti sem spila þar inn í.

Hin Reykjavík – Ungt fólk, vinnuálag og húsnæði

Hin Reykjavík – Ungt fólk, vinnuálag og húsnæðiarrow_forward

S03 E005 — 25. jan 2022

Katrín Tinna Eyþórsdóttir kemur í Hina Reykjavík og segir okkur frá vegferð sinni úr foreldrahúsum í eigið húsnæði. Við munum fjalla um störf hennar í næturvinnu á spítala, aukastarfi hennar, hark og aukavaktir og áhrif þess á lífið og líkamann. Aðstæður fólks eru misjafnar og í þætti dagsins skoðum við hvað ungt fólk þurfi að gera til að útvega sér húsnæði og hvað sé hægt að gera til að létta álagi af ungu vinnandi fólki í húsnæðisleit. Katrín endar á því að nefna: „ég er alltaf í kapphlaupi við sjálfa mig að eignast peninga svo ég geti séð fyrir sjálfri mér“, veruleiki sem margir tengja við.

Hin Reykjavík – Löng bið eftir húsnæði

Hin Reykjavík – Löng bið eftir húsnæðiarrow_forward

S03 E004 — 21. jan 2022

Anita Da Silva Bjarnadóttir segir okkur frá reynslu sinni af húsnæðiskerfi borgarinnar þar sem hún beið í næstum tólf ár eftir félagslegri íbúð án þess að biðin skilaði árangri. Hún er nýlega komin aftur á þann biðlista og við ræðum óöryggi á leigumarkaði, hátt leiguverð og ferlið að baki þess að sækja um og viðhalda umsókn um félagslegt leiguhúsnæði.

Umsækjendur félagslegs leiguhúsnæðis þurfa að fara í gegnum ákveðið matsferli þar sem fjárhags- og félagslegar aðstæður eru metnar til stiga og þrátt fyrir að þörfin sé mikil, eru margir sem bíða til lengdar eftir húsnæði. Í þættinum förum við yfir þá stöðu sem blasir við fólki sem er fast á milli lágra tekna og okurleigu og ræðum það hvort að uppbygging húsnæðis síðustu ára hafi tekið mið af þörfum öryrkja, láglaunafólks og einstæðra foreldra.

Hin Reykjavík – Rasismi á Íslandi

Hin Reykjavík – Rasismi á Íslandiarrow_forward

S03 E003 — 18. jan 2022

Anna Sonde, Kristín Reynisdóttir, Johanna Haile og Valgerður Reynisdóttir segja okkur frá síðunni sinni Antirasistarnir á Instagram þar sem fræðsla um rasisma á Íslandi fer fram. Í þættinum ræðum við um birtingarmyndir rasisma í íslensku samfélagi og viðbrögð skólakerfisins við kynþáttafordómum.

Í þættinum skoðum við hvernig hægt sé að berjast gegn rasisma og viðbrögðin sem Antirasistarnir hafa fengið. Finna má reikning þeirra á Instagram undir heitinu: antirasistarnir og þar inn á má einnig finna upplýsingar um fróðleg hlaðvörp þeirra.

Hin Reykjavík – Reynsluheimur dagforeldra

Hin Reykjavík – Reynsluheimur dagforeldraarrow_forward

S03 E002 — 14. jan 2022

Sigurgyða Þrastardóttir, dagmamma segir okkur frá stöðu dagforeldra í Reykjavíkurborg, starfsskilyrðum og samskiptum við borgina. Dagforeldrum hefur fækkað á síðustu árum, börnum fjölgað og erfitt er að fá pláss fyrir börn í daggæslu. Á sama tíma bíða börn lengi eftir því að komast að í leikskóla og margir foreldrar eru í erfiðri stöðu. Dagforeldrar veita þjónustu sem foreldrar reiða sig á og er börnum mikilvæg. Í þættinum munum við spyrja út í húsnæðisaðstæður, aðbúnað og fjárframlög sem dagforeldrum stendur til boða.

Hin Reykjavík – Kreppa í leikskólum

Hin Reykjavík – Kreppa í leikskólumarrow_forward

S03 E001 — 11. jan 2022

Signý Sigurðardóttir, starfskraftur á leikskóla, mætir í Hina Reykjavík og fræðir okkur um störf og starfsskilyrði mikilvægustu starfskrafta samfélagsins. Launakjör og starfsaðstæður leikskólastarfsfólks hafa mikið verið í umræðunni og ljóst er að margt þarf að breytast til að gera aðstæður góðar bæði fyrir starfsfólkið og börnin sem sækja skólana. Í þættinum munum við fara yfir þessi mál ásamt því að ræða aðstæður barna með mismunandi bakgrunn og hvernig þörfum þeirra er mætt.

Hin Reykjavík – Skipulagsmál og borgarrými

Hin Reykjavík – Skipulagsmál og borgarrýmiarrow_forward

S02 E017 — 17. des 2021

Skipulag nærumhverfisins getur gefið okkur jákvæða orku en getur einnig verið hamlandi allt eftir því hvernig það er byggt upp. Viðmælendur þáttarins eru Sigrún E. Unnsteinsdóttir og Laufey Líndal Ólafsdóttir og í þættinum verður farið yfir skipulagsmál út frá sjónarhóli gangandi vegfarenda og hverfisskipulags.

Sanna Magdalena Mörtudóttir ræðir við viðmælendur um græn svæði, göngustíga og gangstéttir, grenndargáma, kaffihús og skólagarða, svo fátt eitt sé nefnt.

Hin Reykjavík: Fátækt – fjárhagsaðstoð og áhrif á börn

Hin Reykjavík: Fátækt – fjárhagsaðstoð og áhrif á börnarrow_forward

S02 E016 — 10. des 2021

Í þættinum í dag ræðum við hvernig það er að lifa af upphæðum fjárhagsaðstoðar, fátækt og það sem þarf að neita sér um í slíkri stöðu. Elísabet Hauksdóttir ræðir við Sönnu Magdalenu Mörtudóttir.

Í dag mun Hin Reykjavík varpa ljósi á afleiðingum fátæktar, afleiðingum þess á börn og hversu erfitt er að vinna úr áföllum í þeirri stöðu. Við kynnumst einnig valdeflandi starfsemi Peppsins (grasrót fólks í fátækt) og fáum að heyra meira um verkefnið TINNU sem hefur það að markmiði að veita einstæðum foreldrum stuðning sem hafa fengið fjárhagsaðstoð eða eru með örorkulífeyri.

Hin Reykjavík – Starfar stjórnmálafólk fyrir alþýðuna?

Hin Reykjavík – Starfar stjórnmálafólk fyrir alþýðuna?arrow_forward

S02 E015 — 3. des 2021

Hvernig virka stjórnmál á Íslandi? Hvað felur nýr stjórnarsáttmáli ríkisstjórnarinnar í sér og hver verða áhrif hans á landsmenn? Sanna Magdalena Mörtudóttir og Kristbjörg Eva Andersen Ramos leitast við að skilja nútíma stjórnmál, hlutverk ráðherra og hvað núverandi stjórnarstaða þýðir fyrir okkur íbúanna.

Í þættinum verður leitast við að svara því hvernig almenningur getur komið sinni rödd á framfæri og stuðlað að breytingum.

Hin Reykjavík – Armando’s journey

Hin Reykjavík – Armando’s journeyarrow_forward

S02 E014 — 30. apr 2021

Armando Garcia Texeira was born in Sao Paulo, Brazil, but has lived in Slovakia and Slovenia and is now doing a MA degree in International studies in education at the University of Iceland.

Armando talks to Laufey and Sanna about his journey, what brought him to Iceland, his experiences with racism and belonging in different societies over his years of traveling and studying. He also discusses the challenges faced by students from outside the EU and his articles for Stúdentablaðið.

Hin Reykjavík – Búseta í hjólhýsa- og húsbílabyggð

Hin Reykjavík – Búseta í hjólhýsa- og húsbílabyggðarrow_forward

S02 E013 — 27. apr 2021

Hvernig er að dvelja í húsbíl eða í hjólhýsi og hverjar eru aðstæður fyrir því? Sanna Magdalena ræðir við Geirdísi Hönnu um ástæður fyrir slíkri búsetu. Í þættinum munu þær ræða hvernig kerfið tekur á móti slíku búsetuformi hvað varðar lögheimilisskráningu, póstþjónustu og húsnæðisstuðning. Hvaða hindranir eru í kerfinu og hvernig má greiða úr þeim til að tryggja öllum örugga búsetu sem hentar þeim?

Hin Reykjavík – Mannskemmandi áhrif fátæktar

Hin Reykjavík – Mannskemmandi áhrif fátæktararrow_forward

S02 E012 — 23. apr 2021

Umræðuefni dagsins í dag er fátækt, þegar peningurinn dugar ekki út mánuðinn og leiða sem þarf að leita til að komast af í gegnum mánuðinn. Sanna Magdalena Mörtudóttir, ræðir við Tinnu Ævarsdóttur sem vinnur á leikskóla um láglaunastörf, streituna sem felst í því að eiga ekki í sig og á og margt fleira tengt því.

Hin Reykjavík – Sósíalískur feminismi

Hin Reykjavík – Sósíalískur feminismiarrow_forward

S02 E011 — 2. mar 2021

Danni ræðir við Sönnu og Birnu Eik Benediktsdóttur um sósíalískan feminisma.

Hin Reykjavík – Matarsóun og gámagrams

Hin Reykjavík – Matarsóun og gámagramsarrow_forward

S02 E010 — 26. feb 2021

Tugum þúsunda tonna af mat hefur verið hent árlega hér á landi og meginþorri þess er nýtanlegur matur. Hér ræðir Sanna Magdalena Mörtudóttir við Rakel Garðarsdóttur, forsvarsmann samtakanna Vakandi, sem vilja stuðla að vitundarvakningu um sóun matvæla.

Hvað er hægt að gera til að koma í veg fyrir matarsóun og af hverju er svo miklum mat hent? Þær ræða einnig um gámagrams en það snýr að því að ná í ætan mat sem hefur verið hent, t.a.m. úr gámum við matvöruverslanir.

Hin Reykjavík – Löng bið eftir átröskunarmeðferð

Hin Reykjavík – Löng bið eftir átröskunarmeðferðarrow_forward

S02 E009 — 19. feb 2021

Fjöldi á biðlista eftir meðferð átröskunarteymis Landspítalans hefur sjöfaldast á fjórum árum. Aukin þörf er fyrir þjónustuna og finna þarf hentugt húsnæði í kjölfar myglu sem kom upp og leiddi til óvinnufærni hjá hluta starfsmanna.

Í þessum þætti tala Danni og Sanna við Sóley Hafsteinsdóttur um reynslu sína af átröskun, úrræði sem eru í boði og hvað þurfi að laga til að mæta þeim sem þurfa á hjálp á að halda.

Hin Reykjavík – Einstæðir foreldrar og börn

Hin Reykjavík – Einstæðir foreldrar og börnarrow_forward

S02 E008 — 16. feb 2021

Í dag ræða Sanna og Danni við þær Dagnýju Rut Haraldsdóttur og Valgerði Halldórsdóttur um málefni foreldra sem ekki búa saman og barna þeirra.

Hin Reykjavík – Lokum spilakössum

Hin Reykjavík – Lokum spilakössumarrow_forward

S02 E007 — 12. feb 2021

Samtök áhugafólks um spilafíkn standa að baki átakinu „Lokum spilakössum“ eða lokum.is. Fólkið á bak við samtökin hefur haft það að leiðarljósi að vekja fólk og stjórnvöld til umhugsunar um spilakassa og rekstur slíkrar starfsemi.

Hér ræða Sanna og Danni við Ölmu og Örn um samtökin, markmið þeirra og við fáum innsýn í stöðu þeirra sem glíma við spilafíkn.

Hin Reykjavík – Hvar er draumurinn?

Hin Reykjavík – Hvar er draumurinn?arrow_forward

S02 E006 — 2. feb 2021

Í þætti dagsins ræða Sanna og Danni við Jokku G. Birnudóttur um stuttmynd hennar „Hvar er draumurinn?“ sem sýnd var á nýafstaðinni feminískri kvikmyndahátíð. Einnig koma þau stuttlega inn á malbiksmál en Jokka er gjaldkeri Sniglanna.

Líkamsvirðing út frá félagslegri- og efnahagslegri stöðu

Líkamsvirðing út frá félagslegri- og efnahagslegri stöðuarrow_forward

S02 E005 — 29. jan 2021

Hin Reykjavík skoðar hér fitufordóma út frá félags- og efnahagslegri stöðu. Hvað eru fitufordómar og hverjar eru birtingarmyndir þeirra? Laufey Ólafsdóttir og Sanna Magdalena Mörtudóttir ræða við Töru Margréti Vilhjálmsdóttur, formann Samtaka um líkamsvirðingu. Í þættinum ræðum við um neikvæð viðhorf sem gjarnan eru tengd við ákveðið holdafar og hvað það á oft margt sammerkt með neikvæðum viðhorfum í garð fátæks fólks. Einnig ræðum við um heilbrigðiskerfið og aðgengi að þjónustu.

Hin Reykjavík – Fátækt, matarskortur, hitaeiningar og líkamsímynd

Hin Reykjavík – Fátækt, matarskortur, hitaeiningar og líkamsímyndarrow_forward

S02 E004 — 26. jan 2021

Hvernig hefur það áhrif á tengsl okkar við mat, að alast upp við fátækt og skort? Hvernig hefur slíkt áhrif á samband okkar við mat síðar á lífsleiðinni? Er það samband líklegra til þess að vera óheilbrigt eftir því sem skorturinn er viðvarandi? Laufey Ólafsdóttir ræðir við Bryndísi og Sönnu Magdalenu um uppvaxtarárin, þar sem þær upplifðu skort, tengsl þeirra við mat og líkamsímynd á unglingsárum. Í þessu samhengi skoðum við staðalímyndir um líkama kvenna, fitufordóma, fátækt fólk og áhrif þess á líkamsímynd.

Hin Reykjavík – Loftslagsáætlun Reykjavíkurborgar

Hin Reykjavík – Loftslagsáætlun Reykjavíkurborgararrow_forward

S02 E003 — 22. jan 2021

Laufey ræðir við Sönnu og Danna um Loftslagsáætlun Reykjavíkurborgar 2021-2025 og hvaða sýn Sósíalistar í borgarstjórn hafa á þá áætlun.


Almenningssamgöngur, sorphirða, endurvinnsla og margt fleira er til umræðu út frá vinkli stéttarstöðu og aðgengi fátækra Reykvíkinga að þjónustu borgarinnar og þátttöku í umhverfisvænum lífsstíl.

Hin Reykjavík – Húsnæðismál öryrkja

Hin Reykjavík – Húsnæðismál öryrkjaarrow_forward

S02 E002 — 19. jan 2021

Laufey Ólafsdóttir og Sanna Magdalena Mörtudóttir ræða við Maríu Pétursdóttur, formann málefnahóps ÖBÍ um húsnæðismál.

Leigumarkaðnum hefur oft verið líkt við frumskóg þar sem erfitt er að finna íbúð á viðráðanlegu verði og þegar þangað er komið inn getur verið erfitt að átta sig á réttindum varðandi húsnæðisbætur og sérstakan húsnæðisstuðning sem er ólíkur eftir sveitarfélögum. Hver er staða öryrkja á húsnæðismarkaði? Hvernig er aðgengi að viðeigandi íbúðum háttað í fjárhagslegum- og efnislegum skilningi? Fá allir heimili og viðeigandi stuðning eða er samfélagið enn fast í hugmyndafræði um stofnanavæðingu? Hversu langir eru biðlistarnir eftir húsnæði og þjónustu sem hentar?

Hin Reykjavík – Ali Alameri and refugees in Iceland

Hin Reykjavík – Ali Alameri and refugees in Icelandarrow_forward

S02 E001 — 15. jan 2021

Ali Alameri talks about his experience and struggles with the refugee system in Europe as well as his role as an activist, fighting for refugees’ rights to work and better living conditions.

Hin Reykjavík – Af hverju er hinsegin fræðsla mikilvæg?

Hin Reykjavík – Af hverju er hinsegin fræðsla mikilvæg?arrow_forward

S01 E058 — 11. des 2020

Það er mikilvægt að samfélagið og nærumhverfið taki mið af fjölbreytileikanum. Í dag fræðumst við um starfsemina sem fer fram í hinsegin félagsmiðstöð og fræðslustarfið á vegum Samtakanna ‘78. Danni og Sanna spjalla hér við Hrefnu Þórarinsdóttur, forstöðukonu í hinsegin félagsmiðstöð Tjarnarinnar og Samtakanna ‘78 og Tótlu I. Sæmundsdóttur fræðslustýru Samtakanna ‘78.

Þau spyrja sérstaklega út í starfið, með áherslu á ungmenni. Hvernig hefur starfið farið fram og hvernig fer það fram á tímum samkomutakmarkanna? Þá munu þau einnig velta fyrir sér hvort að bækur, dægurmenning og það sem er vinsælt í dag endurspegli veruleika hinsegins ungs fólks eða hvort þörf sé á meiri fjölbreytni þar.

Hin Reykjavík – Hjálpræðisherinn

Hin Reykjavík – Hjálpræðisherinnarrow_forward

S01 E057 — 8. des 2020

Hjálpræðisherinn – Hjálp gegn skorti og félagslegri einangrun


Margir leita til félaga- og hjálparsamtaka vegna matarúthlutana og aðstoðar við aðra grunnþætti. Velferðarstarf Hjálpræðishersins nær til margra í formi inneignarkorta í matvöruverslunum og félagslegs stuðnings.

Sanna Magdalena Mörtudóttir ræðir hér við Ingva Kristinn Skjaldarson um starfsemi Hjálpræðishersins, þá fjölbreyttu hópa sem sækja aðstoð til þeirra og stuðninginn sem þau veita. Ættu samtök og hreyfingar að þurfa að sjá til þess að grunnþörfum fólks sé mætt eða endurspeglar slíkt að stjórnvöld séu ekki að standa sig? Þessu og mörgu öðru varðandi stöðu fólks í samfélaginu verður velt upp.

Hin Reykjavík – Hversu marga dropa þarf til að hola steininn?

Hin Reykjavík – Hversu marga dropa þarf til að hola steininn?arrow_forward

S01 E056 — 4. des 2020

Ýmislegt hefur áunnist í báráttu sárafátæks fólks og fatlaðs fólks og annarra sem samfélagið hefur ekki gert ráð fyrir í gegnum tíðina en heilmargt er eftir. Samfélagið flokkar fólk í kassa og gerir ekki ráð fyrir fjölbreytileika mannlífsins, þar sem áherslan er oftar en ekki á samkeppni frekar en að setja sig í aðstæður annarra og aðlaga umhverfið eftir fjölbreyttum þörfum fólks.

Hvatningaverðlaun Öryrkjabandalags Íslands voru veitt í gær, 3. desember á alþjóðadegi fatlaðs fólks. Íþróttafélagið Ösp hlaut hvatningarverðlaun og PEPP, grasrót fólks í fátækt. Markmið Aspar er að standa fyrir íþróttaæfingum fyrir einstaklinga með fötlun þeim til heilsubótar og ánægju. Sanna Magdalena Mörtudóttir ræðir við Helgu Hákonar, formann Asparinnar og Peppara og Ástu Þórdís Skjalddal, hjá PEPP um valdeflingu og hvernig við getum búið til umhverfi sem er fyrir okkur öll.

Hin Reykjavík – Börn og Covid

Hin Reykjavík – Börn og Covidarrow_forward

S01 E055 — 1. des 2020

Hvernig líður börnum í þeim aðstæðum sem nú eru uppi í samfélaginu? Hvað er hægt að gera til að tryggja börnum vellíðan og velferð í gegnum ástandið? Laufey, Danni og Sanna tala saman um skólastarf og aðstæður barna í Covid og hvað stjórnvöld geta gert til að passa að ekkert barn þurfi að vera skilið eftir í þeim aðstæðum sem samfélagið er í þessa dagana.

Hin Reykjavík – Hjálparhönd í fátækt

Hin Reykjavík – Hjálparhönd í fátæktarrow_forward

S01 E054 — 27. nóv 2020

Bára Halldórsdóttir heldur úti Facebook-hópnum „Hjálparhönd“, en í honum getur fólk í neyð sent inn beiðnir um ýmsa aðstoð til að mæta kostnaði við matarkaup, ferðakostanað o.fl. Hægt er að pósta inn beiðnum undir nafni, en einnig er hægt að senda Báru beiðnir sem hún póstar fyrir þau sem þurfa að biðja um aðstoð undir nafnleynd.

Laufey og Danni spjalla við Báru um þær beiðnir sem hún hefur verið að taka við og aðstæður fólks almennt í mjög óvenjulegum kringumstæðum í samfélaginu.

Hin Reykjavík – Það er von og úrræði eftir fíknimeðferð

Hin Reykjavík – Það er von og úrræði eftir fíknimeðferðarrow_forward

S01 E053 — 24. nóv 2020

Laufey og Danni tala við Hlyn Kristinn Rúnarsson og Tinnu Guðrúnu Barkardóttur um úrræði fyrir fólk sem er að koma úr fíknimeðferðum og starf samtakanna „Það er von“, sem þau eru í forsvari fyrir.

Það er von hefur verið starfandi á Facebook í rúmt ár, en er nú orðið að formlegum samtökum sem stefna á að opna og reka áfangaheimili og bjóða upp á ýmsa þjónustu fyrir fólk sem glímir við fíkn og er að koma úr og fara inn í fíknimeðferðir. Markmið samtakanna er að styðja fólk til bata og tengja saman mismunandi úrræði ásamt því að styðja við og miðla upplýsingum til aðstandenda og berjast gegn fordómum í garð fólks með fíknivanda.

Hin Reykjavík – Álag á kennurum á tímum Covid

Hin Reykjavík – Álag á kennurum á tímum Covidarrow_forward

S01 E052 — 20. nóv 2020

Kennarar hafa aðlagað sig að breyttum aðstæðum vegna kórónuveirunnar og mikið mæðir á þeim. Hildur Ýr Ísberg framhaldsskólakennari, skrifaði opið bréf til menntamálaráðherra í síðasta mánuði þar sem hún greindi frá álaginu í kennarastarfinu og miklum væntingum til kennara á covid tímum.

Sanna Magdalena Mörtudóttir ræðir við Hildi um breytta kennsluhætti, hlutverk kennara og hvað það felur í sér að færa skólastarf og starfsumhverfi úr skólastofunni inn á fjarfundarými.

Hin Reykjavík – Einelti í grunnskólum

Hin Reykjavík – Einelti í grunnskólumarrow_forward

S01 E051 — 17. nóv 2020

Laufey og Danni ræða við Sindra Viborg, kennaranema og íþróttaþjálfara, um einelti í grunnskólum en Sindri var nýlega í viðtali við DV þar sem hann greinir frá hrottalegu einelti sem hann varð sjálfur fyrir á sinni grunnskólagöngu.

Einelti er samfélagslegt vandamál og bendir Sindri á ýmsar mögulegar lausnir en undirstrikar jafnfram alvarleika eineltis og mikilvægi þess að unnið sé heildstætt að forvörnum og vitundarvakningu, allt í senn meðal nemenda, kennara, foreldra og samfélagsins í heild.

Hin Reykjavík – Jólamánuður, fjárhagsáhyggjur og matarúthlutanir.

Hin Reykjavík – Jólamánuður, fjárhagsáhyggjur og matarúthlutanir.arrow_forward

S01 E050 — 13. nóv 2020

Umræðuefni dagsins snýr að fátækt, áhyggjum varðandi jólin, matarúthlutunum og hjálparsamtökum og hjálparsíðum á Facebook. Sanna Magdalena Mörtudóttir, Laufey Ólafsdóttir, Ásta Þórdís Skjalddal og Hildur Oddsdóttir ræða þessi mál sín á milli.

Misskipting í samfélaginu er ekki ný af nálinni en er hún sýnilegri og meiri nú vegna afleiðinga kórónuveirunnar? Hvernig bregðast stjórnvöld við? Hvernig viljum við að brugðist sé við?

Þessum spurningum er velt upp jafnt sem hugmyndum að lausnum í ástandinu.

Hin Reykjavík – Fjölskylda í hættu

Hin Reykjavík – Fjölskylda í hættuarrow_forward

S01 E049 — 3. nóv 2020

Fjölskylda bíður í óvissu vegna yfirvofandi brottvísunar Hjónin Bassirou Ndiaye og Mahe Diouf og dætur þeirra Marta og María, hafa verið búsett á Íslandi í 7 ár en bíða nú brottvísunar frá landinu þar sem umsókn þeirra um dvalarleyfi hefur verið synjað.

Sanna og Laufey ræddu við þau hjón um dvölina á Íslandi og þá hræðilegu stöðu sem fjölskyldan er nú í, en nú er í gangi undirskriftarsöfnun þar sem skorað er á dómsmálaráðherra að endurskoða mál fjölskyldunnar.

Þátturinn er á ensku.

Hin Reykjavík – Er mennta- og frístundakerfið hannað fyrir okkur öll?

Hin Reykjavík – Er mennta- og frístundakerfið hannað fyrir okkur öll?arrow_forward

S01 E048 — 30. okt 2020

Í dag ræðum við um menntun fyrir alla út frá sjónarhóli fólks með erlendan bakgrunn og þeirra sem eru með lítið á milli handanna.

Er menntakerfið hannað fyrir okkur öll? Hvernig er móðurmálskennslu háttað? Hvað með frístundastarf og aðgengi að því út frá fjárhagslegri stöðu? Sanna Magdalena ræðir við þær Nancy og Loubna um þessi mál.

Hin Reykjavík – Grunnskólar á tímum Covid

Hin Reykjavík – Grunnskólar á tímum Covidarrow_forward

S01 E047 — 27. okt 2020

Umræðuefni dagsins snýr að breytingum í grunnskólum borgarinnar í kjölfar covid-19. Daníel Örn Arnarsson og Sanna Magdalena Mörtudóttir ræða við Védísi Guðjónsdóttur, starfsmann í grunnskóla borgarinnar um nýlegar breytingar og áhrif á starfið.

Þar sem mikil umræða hefur skapast um mikilvægi valfaga ræða þau einnig um það sem og styttingu vinnuvikunnar innan grunnskólanna og hvernig því miðar áfram.

Hin Reykjavík – Tillögur sósíalista gegn fátækt.

Hin Reykjavík – Tillögur sósíalista gegn fátækt.arrow_forward

S01 E046 — 20. okt 2020

Í dag ræða Daníel og Sanna um sjálfsmynd barna sem alast upp í fátækt, alþjóðlegan baráttudag gegn fátækt og tillögur sósíalista gegn fátækt.

Hin Reykjavík – Fátækt á Íslandi

Hin Reykjavík – Fátækt á Íslandiarrow_forward

S01 E045 — 16. okt 2020

Á morgun, 17. október er alþjóðlegur baráttudagur gegn fátækt. Í þætti dagsins ræða Daníel Örn Arnarsson og Sanna Magdalena Mörtudóttir, við Ástu Þórdís Skjalddal, samhæfingarstjóra PEPP (sem er grasrót fólks í fátækt) og Laufeyju Líndal Ólafsdóttur sem situr í stjórn EAPN á Íslandi.

EAPN stendur fyrir The European Anti-Poverty Network og Pepp Ísland, samtök fólks í fátækt, eru grasrótarstarf EAPN á Íslandi. Ásta og Laufey segja okkur frá starfinu, fátækt á Íslandi og við ræðum um leiðir til að útrýma fátækt.

Hin Reykjavík – Spjall við Sólveigu Önnu

Hin Reykjavík – Spjall við Sólveigu Önnuarrow_forward

S01 E044 — 13. okt 2020

Sanna Magdalena Mörtudóttir og Daníel Örn Arnarsson ræða hér við Sólveigu Önnu Jónsdóttur formann Eflingar um viðbrögð Eflingar vegna tillagna Samtaka sjálfstætt starfandi skóla (SSSK) í kjarasamningsviðræðum við Eflingu.

Þau ræða einnig um leiðir til að uppræta launaþjófnað.

Hin Reykjavík – Fjölbreyttar raddir í bókmenntum

Hin Reykjavík – Fjölbreyttar raddir í bókmenntumarrow_forward

S01 E043 — 9. okt 2020

Nýlega fór fram bókakaffi í Gerðubergi um einsleitni bókmenntaheimsins og hvernig væri hægt að víkka sjóndeildarhringinn með því að lesa fjölbreyttar raddir. Sanna Magdalena Mörtudóttir og Daníel Örn Arnarsson ræða hér við Jelena Ćirić og Mars Proppé sem tóku þátt í bókakaffinu um fjölbreyttar raddir.

Geta bækur hjálpað okkur að skilja reynsluheim annarra? Skiptir máli hvaða bækur við lesum? Bókmenntaheimurinn líkt og samfélagið er stéttskipt og í samtalinu veltum við því fyrir okkur hvernig vald hefur áhrif á hvaða bækur verða fyrir valinu hjá útgefendum og lesendum.

Hin Reykjavík – Almenningssalerni

Hin Reykjavík – Almenningssalerniarrow_forward

S01 E042 — 6. okt 2020

Fyrr í haust kíktu Sanna og Danni á nokkur almenningssalerni í borginni og veltu fyrir sér gjaldtöku og almennu aðgengi að salernum innan borgarinnar. Þarf að eiga pening til að nota salerni?

Hin Reykjavík – Fyrstu skref að póltískri þátttöku

Hin Reykjavík – Fyrstu skref að póltískri þátttökuarrow_forward

S01 E041 — 2. okt 2020

Sanna Magdalena Mörtudóttir ræðir við Daníel Örn Arnarsson, varaborgarfulltrúa Sósíalistaflokks Íslands um uppvaxtarárin og fyrstu skrefin að pólitískri þátttöku. Það að alast upp við skort er eitthvað sem óneitanlega hefur áhrif á vilja til að breyta kerfinu til að koma í veg fyrir að börn þurfi að upplifa slíkt.

Hin Reykjavík – Verndum veika og aldraða

Hin Reykjavík – Verndum veika og aldraðaarrow_forward

S01 E040 — 25. sep 2020

Í dag ræðir Daníel við Berglindi Berghreinsdóttur formann samtakanna Verndum veika og aldraða um samtökin og þær áskoranir sem aðstandendur sjúklinga standa frammi fyrir.

Hin Reykjavík – Ynda Eldborg

Hin Reykjavík – Ynda Eldborgarrow_forward

S01 E039 — 22. sep 2020

Í þætti dagsins spjallar Daníel við hana Yndu Eldborg listfræðing um málefni transfólks í ljósi þeirrar umræðu sem átt hefur sér stað undanfarna daga.

Hin Reykjavík – Drop-INN

Hin Reykjavík – Drop-INNarrow_forward

S01 E038 — 15. sep 2020

Í dag ræða þau Daníel Örn Arnarsson og Laufey Ólafsdóttir við Magdalenu Kwiatkowska og Önnu Gunnhildi Ólafsdóttur um nýtt verkefni Eflingar sem nefnist Drop-INN ásamt öðrum fræðsluverkefnum.

Hin Reykjavík – Upplifun innflytjanda af Íslandi

Hin Reykjavík – Upplifun innflytjanda af Íslandiarrow_forward

S01 E037 — 1. sep 2020

Í hinni Reykjavík í dag ræða Danni og Laufey við Nicola van Kuilenburg og Andie Sophia Fontaine fyrst um hvernig það er að læra íslensku og svo um framkomu sem Íslendingar sýna stundum í garð innflytjenda. Spjallið endar svo bara í almennu spjalli um upplifun nýs innflytjanda af Íslandi. Athugið að þátturinn er á ensku.

Hin Reykjavík – Málefni fanga

Hin Reykjavík – Málefni fangaarrow_forward

S01 E036 — 28. ágú 2020

Málefni fanga eru til umræðu í þætti dagsins þar sem Sanna Magdalena Mörtudóttir, talar við Guðmund Inga Þóroddsson sem er formaður Afstöðu, félags fanga og annarra áhugamanna um bætt fangelsismál og betrun.

Spurningum sem verður velt upp snúa m.a. að stefnum í fangelsiskerfinu; frá refsistefnu í átt að betrun, heilbrigðisþjónustu innan veggja fangelsisins á tímum kórónuveirunnar og hvernig sveitarfélögin geta komið að samfelldri þjónustu við þá sem um ræðir.

Hin Reykjavík: Í tilefni af kvenréttindadeginum

Hin Reykjavík: Í tilefni af kvenréttindadeginumarrow_forward

S01 E027 — 19. jún 2020

Melanie Ubaldo – Andlit íslenskrar listsköpunar

Í tilefni af kvenréttindadeginum tölum við við Melanie Ubaldo, unga listkakonu sem hefur verið að vinna verk sem túlka hennar upplifun af jaðarsetningu í íslensku samfélagi. Melanie er fædd á Filippseyjum en flutti til Íslands ung að aldri og hefur eins og flestir aðrir hörundsdökkir íslendingar upplifað ýmsar útgáfur af rasisma bæði í íslensku samfélagi og einnig erlendis þegar hún hefur ferðast með verk sín sem íslenskur listamaður.

Hér ræðir Melanie sögurnar að baki nokkrum verkanna og þátttöku sína í sýningu Borgarbókasafnsins í Grófinni „Inclusive public spaces“ þar sem verk hennar „What are you doing in Iceland with your face“ hefur hangið í anddyri safnsins að undanförnu.

Hin Reykjavík: Samstöðumótmæli

Hin Reykjavík: Samstöðumótmæliarrow_forward

S01 E026 — 16. jún 2020

Ofbeldi gegn afgönsku flóttafólki mótmælt á Ingólfstorgi

Í dag, þriðjudaginn 16. júní, kl. 17 eiga sér stað samstöðumótmæli til að vekja athygli á hræðilegu ofbeldi gegn afgönsku flóttafólki í Íran og víðar og til að efla meðvitund um stöðu flóttafólks frá Afganistan víða um heim. Hjá okkur í dag er einn af skipuleggjendum mótmælanna, Ehsan Ísaksson.

Ehsan er ættaður frá Afganistan en fæddur og uppalinn í Íran. Hann segir okkur hér brot af sinni sögu og frá ástæðum mótmælanna en hann er jafnframt formaður samtakanna Ariana Association. Samtökin eru félag Afgana á Íslandi og standa fyrir ýmsum menningarviðburðum þar sem gestum stendur til boða að kynnast afganskri menningu og hefðum.

Þátturinn er á ensku.

Hin Reykjavík: Leigendur félagsbústaða

Hin Reykjavík: Leigendur félagsbústaðaarrow_forward

S01 E025 — 12. jún 2020

Biðlistar og milliflutningar innan Félagsbústaða

Rúmlega 300 leigjendur hjá Félagsbústöðum eru með virkar umsóknir um milliflutning, eða flutning úr einni íbúð Félagsbústaða í aðra. Umsóknir um milliflutninga fara hinsvegar í sama ferli og fyrstu úthlutanir svo að þær fara í sama pott og umsóknir fólks sem er heimilislaust eða í ótryggu húsnæði, þannig að dæmi eru um að fólk bíði í mörg ár eftir milliflutningum og svo virðist sem þar hafi myndast flöskuháls.

Blokkin, félag leigjenda hjá Félagsbústöðum hefur komið upp íbúðaskiptisíðu fyrir leigjendur á Facebook í þeirri von að einhverjir geti nýtt sér þann möguleika að skipta innbyrðis.

Sanna ræðir við þær Evu Pálsdóttur og Laufeyju Ólafsdóttur um biðina og þennan möguleika ásamt ýmsu öðru.

Hin Reykjavík: Blokkin

Hin Reykjavík: Blokkinarrow_forward

S01 E024 — 9. jún 2020

Blokkin, félag leigjenda hjá Félagsbústöðum.

Umræða um væntanlegan aðalfund og mikilvægi samstöðu leigjenda hjá stærsta leigufélagi landsins.

Sanna ræðir við Pálínu Sjöfn Þórarinsdóttur og Laufey Líndal Ólafsdóttur úr stjórn Blokkarinnar.

Hin Reykjavík: Black lives matter

Hin Reykjavík: Black lives matterarrow_forward

S01 E023 — 5. jún 2020

Black Lives Matter solidarity moving forward – the Icelandic discussion on race.

A discussion with Lydia Holt, Seth Sharp and Eric Barbour about the Black Lives Matter solidarity demonstration in Austurvöllur on the 3rd of June.

Hosts: Laufey L. Ólafsdóttir and Sanna Magdalena Mörtudóttir.

Hin Reykjavík – Harkverkafólk

Hin Reykjavík – Harkverkafólkarrow_forward

S01 E016 — 26. maí 2020

Umræða um harkverkafólk sem starfar við þær kringumstæður og innan þess geira. Bryndís Hrönn Ragnarsdóttir listakona og Ásgeir H. Ingólfsson blaðamaður segja frá reynslu sinni og draga upp mynd af heildarkerfinu og gloppum innan þess.

Hin Reykjavík – Staða stúdenta

Hin Reykjavík – Staða stúdentaarrow_forward

S01 E015 — 22. maí 2020

Isabel Alejandra Díaz, nýkjörinn forseti Stúdentaráðs Háskóla Íslands kemur í þáttinn og við ræðum stöðu stúdenta.

Hin Reykjavík – Stjórnmálaþátttaka fólks með reynslu af fátækt

Hin Reykjavík – Stjórnmálaþátttaka fólks með reynslu af fátæktarrow_forward

S01 E014 — 19. maí 2020

Laufey Ólafsdóttir ræðir við fólk sem hefur búið við fátækt um þátttöku í stjórnmálum, stefnumótun og grasrótarstarfi. Viðmælendur þáttarins eru Ásta Þórdís Skjalddal og Bergþór Heimir Sóleyjarson Njarðvík.

Hin Reykjavík – sósíalískir feministar (seinni hluti þáttar)

Hin Reykjavík – sósíalískir feministar (seinni hluti þáttar)arrow_forward

S01 E013 — 15. maí 2020

Hin Reykjavík – Sósíalískir feministar (fyrri hluti þáttar)

Hin Reykjavík – Sósíalískir feministar (fyrri hluti þáttar)arrow_forward

S01 E012 —

Í þessum þætti er fjallað um sósíalískan feminisma þar sem Ása Lind Finnbogadóttir ræðir við okkur um áherslur og baráttumál.

Hin Reykjavík – Fordómar gagnvart leigjendum Félagsbústaða

Hin Reykjavík – Fordómar gagnvart leigjendum Félagsbústaðaarrow_forward

S01 E011 — 12. maí 2020

Gyða Dröfn Hannesdóttir segir okkur frá viðhorfi sem hún upplifir sem leigjandi Félagsbústaða. Í þessum þætti sem Laufey Ólafsdóttir stýrir er farið yfir viðhorf og fordóma sem leigjendur Félagsbústaða hafa mætt.

Hin Reykjavík – Geðheilbrigðismál

Hin Reykjavík – Geðheilbrigðismálarrow_forward

S01 E010 — 1. maí 2020

Héðinn Unnsteinsson, varaformaður geðhjálpar og Bergþór Heimir Þórðarson ræða við okkur um geðheilbrigði. Við fjöllum um stuðningsúrræði og ráðgjöf sem er til staðar í samfélaginu og hvernig covid hefur haft áhrif á þau úrræði.

Reynsla kvenna af erlendum uppruna

Reynsla kvenna af erlendum upprunaarrow_forward

S01 E009 — 28. apr 2020

Wiola Ujazdowska og Agnieszka Sokolowska ræða við okkur um upplifun innflytjenda af því að búa í íslensku samfélagi. Þá ræðum við einnig hvernig reynsla kvennanna er á tímum covid. 

Hin Reykjavík – Hundahald í fjölbýlishúsum

Hin Reykjavík – Hundahald í fjölbýlishúsumarrow_forward

S01 E008 — 24. apr 2020

Elsa Björk Harðardóttir ræðir við okkur um hundahald í fjölbýlishúsum og reglur þess hjá Félagsbústöðum. Við ræðum um mikilvægi þess gegn félagslegri einangrun og skipulagsmál fyrir hunda í borgum.

Hin Reykjavík – Umönnun og félagsleg samskipti á tímum covid

Hin Reykjavík – Umönnun og félagsleg samskipti á tímum covidarrow_forward

S01 E007 — 21. apr 2020

Daníel Örn Arnarson byrjar á því að ræða við Árna Jón Baldursson um einangrun sem hann er í vegna kórónuveirunnar og afleiðingar þess á fjölskyldu. Í þættinum ræðir hann svo við Kolbrúnu Valvesdóttur sem starfar á búsetukjarna fyrir aldraða og Sigríði Ásu Arnarsdóttur sem vinnur á hjúkrunarheimilinu Hrafnistu í aðhlynningu. Í þættinum munum við kynnast því hvað felst í störfunum og hvernig covid hefur haft áhrif á það. 

Hin Reykjavík – Félagsleg og fjárhagsleg staða öryrkja

Hin Reykjavík – Félagsleg og fjárhagsleg staða öryrkjaarrow_forward

S01 E006 — 17. apr 2020

Bergþór Heimir Þórðarson sem situr í kjarahópi ÖBÍ og María Pétursdóttir, þáttastjórnandi Öryrkjaráðsins segja okkur frá félagslegri einangrun sem öryrkjar hafa upplifað í samfélaginu og hvernig covid hefur haft áhrif á þá einangrun. Einnig verður fjallað um almannatryggingakerfið og þeim tekjum sem öryrkjum er gert að lifa á.

Hin Reykjavík – Lágar upphæðir almannatrygginga og fjárhagsaðstoðar

Hin Reykjavík – Lágar upphæðir almannatrygginga og fjárhagsaðstoðararrow_forward

S01 E005 — 14. apr 2020

Hlynur Már Vilhjálmsson og Bára Halldórsdóttir koma til okkar í þáttinn. Við ætlum að ræða lágar upphæðir almannatrygginga og fjárhagsaðstoðar hjá borginni og sveitarfélögum og skerðingar á þeim tekjum. Í þættinum tölum við um mikilvægi þess að fátækt fólk fái að koma að ákvarðanatöku um sín mál hjá ríki og borg. 

Hin Reykjavík – Félagsbústaðir, innheimtumál og Blokkin

Hin Reykjavík – Félagsbústaðir, innheimtumál og Blokkinarrow_forward

S01 E004 — 10. apr 2020

Guðrún Vilhjálmsdóttir og Pála Sjöfn, leigjendur hjá Félagsbústöðum ræða við okkur um stöðu leigjenda, innheimtuaðferðir gagnvart þeim og félag leigjenda hjá Félagsbústöðum sem heitir: Blokkin. Þær segja okkur frá þeim erfiðleikum sem leigjendur standa frammi fyrir þar sem fjárhagsáhyggjur og viðhaldsmál eru oft nefnd. 

Hin Reykjavík – Lögum strætó

Hin Reykjavík – Lögum strætóarrow_forward

S01 E003 — 7. apr 2020

Margt þarf að bæta til að tryggja að almenningssamgöngur verði áreiðanlegur kostur fyrir þau sem treysta á strætó. Í þessum þætti förum við yfir hvað þarf að bæta og hvernig megi gera slíkt. Embla Ragnheiðardóttir og Laufey Ólafsdóttir fræða okkur um strætólífið.

Hin Reykjavík – Húsnæðismál

Hin Reykjavík – Húsnæðismálarrow_forward

S01 E002 — 3. apr 2020

Danni og Laufey fjalla um húsnæðismál í Reykjavíkurborg og framlagðar tillögur sósíalista í borginni gegn þeirri húsnæðiseklu sem nú ríkir.

Hin Reykjavík – Matarúthlutanir

Hin Reykjavík – Matarúthlutanirarrow_forward

S01 E001 — 31. mar 2020

Í þættinum er rætt um matarúthlutanir og aðstoð góðgerðasamtaka sem margt fólk í fátækt treystir á. Laufey og Sanna ræða þessi málefni og reynslu af mismunandi matarúthlutunarúrræðum við Hildi Oddsdóttur og Helgu Hákonar sem eru sjálfboðaliðar og grasrótaraktivistar úr PEPP Ísland, samtök fólks í fátækt.

Rauða borðið
í beinni
Rauða borðið, 24. maí