1. gr.
Félagið heitir Alþýðufélagið.
2. gr.
Tilgangur félagsins er menningarstarfsemi.
3. gr.
Tilgangi sínum hyggst félagið ná með að efna til funda, útgáfu og umræðu um mikilvæg samfélagsmál með öðrum hætti.
4. gr.
Allt fólk getur orðið félagar í félaginu.
5. gr.
Starfstímabil félagsins er almanaksárið. Á aðalfundi skal stjórn gera upp árangur liðins árs. Aðeins félagsmenn mega vera þátttakendur í aðalfundi.
6. gr.
Aðalfund skal halda eigi síðar en 15. september ár hvert og skal boða til hans með að minnst tveggja vikna fyrirvara með sannanlegum hætti. Aðalfundur er löglegur, sé rétt til hans boðað. Einfaldur meirihluti mættra félagsmanna ræður úrslitum mála. Dagskrá aðalfundar skal vera sem hér segir:
- Kosning fundarstjóra og fundarritara
- Skýrsla stjórnar lögð fram
- Reikningar lagðir fram til samþykktar
- Lagabreytingar
- Ákvörðun félagsgjalds
- Kosning stjórnar
- Önnur mál
Stjórn félagsins skal skipuð 3 félagsmönnum, formanni og 2 meðstjórnendum, kjörnum á aðalfundi til eins árs í senn. Stjórnin skiptir með sér verkum. Stjórn félagsins fer með málefni félagsins milli aðalfunda. Formaður boðar til funda. Firmaritun er í höndum meirihluta stjórnar.
Ákvörðun um félagsgjald fyrsta starfsárið var tekin á stofnfundi kr. 15.000 á ári og skulu félagsgjöld innheimt mánaðarlega, kr. 1.250,- í hverjum mánuði. Ákvörðun um félagsgjald skal tekin á aðalfundi fyrir næsta starfsár.
9. gr.
Rekstrarafgangi/hagnaði af starfsemi félagsins skal varið til að auka við starfsemi félagsins.
10. gr.
Ákvörðun um slit félagsins skal taka á aðalfundi með einföldum meirihluta atkvæða og renna eignir þess til þeirra góðgerðarmála sem ákveðin verða á slitafundi.
