Grindavík, hlýnun, snilld og Gaza

Við hefjum leik í Grindavík þar sem bærinn er ekki lengur rammlæstur. Við ræðum við Vilhjálm Árnason, þingmann Grindvíkinga. Stærstu hita- og kuldamet falla nú um víða um völl svo nemur jafnvel fráviki upp á 6-7 gráður. Stefán Jón Hafstein, höfundur bókar um umhverfismál, kemur og ræðir andvaraleysið í heiminum gagnvart ógninni. Undrið Víkingur Heiðar Ólafsson píanisti er á margra vörum þessa dagana. Við fáum einn þekktasta tónlistarkrítíker landsins, Arndísi Björk Ásgeirsdóttur í heimsókn, hún ætlar að segja okkur söguna alla á bak við Víking. Síðast í þættinum kemur svo Hjálmtýr Heiðdal fyrir hönd Ísland-Palestínu, hann ætlar að greina nýjustu vendingar í stríðinu á Gaza og breyttri stefnu ríkisstjórnarinnar í innflytjendamálum.