Öryrkjaráðið: Líf með geðklofa og bjargræði stjórnvalda

“Það þýðir það að ef þú ert veik á Íslandi þá hefurðu ekkert á milli handanna, þú getur ekki leyft þér nokkurn skapaðan hlut. Þér er boðið uppá fátækt, eymd, sult og volæði. Þetta eru bjargræði stjórnvalda.” segir Ásdís Óladóttir skáld sem hefur bæði skrifað sig inn í birtuna og myrkrið í sínu bataferli. Ásdís segist hafa orðið veikari fyrstu árin við úrræðaleysið, og einangrunina sem fylgdi því að vera sett á örorku.