Rauða borðið: Nýtt baráttuár
Að Rauða borðinu koma forystukonur í verkalýðshreyfingu og réttindabaráttu almennings og ræða stöðu samfélagsins á tíma faraldurs og kreppu. Hvað er fram undan? Botn niðursveiflunnar og hvað svo? Mun allt verða eins og áður var og allir aftur glaðir eða mun aukinn ójöfnuður á krepputímum hafa varanlega áhrif á samfélagið? Til að ræða stöðuna um áramót koma að rauða borðinu: Drífa Snædal forseti Alþýðusambandsins; Sonja Þorbergsdóttir formaður BSRB; Þuríður Harpa Sigurðardóttir formaður Öryrkjabandalagsins; og Guðbjörg Kristmundsdóttir, formaður Verkalýðs- og sjómannafélags Keflavíkur og nágrennis.