Rauða borðið: Sjó- og showmennska

Að Rauða borðinu kemur Ingi Þór Hafdísarson stýrimaður og segir frá uppreisninni á Berglín, en áhöfnin þar sætti sig ekki við einhliða lækkun útgerðarinnar á fiskverði og sigldi togaranum tómum í höfn. Síðan koma að borðinu sviðslista- og tónlistarfólk og ræðir hvernig kórónafaraldurinn og kreppan hefur leikið sviðslistir og hvort kreppan breyti listinni: tónlistarkonurnar Katla Vigdís, í hljómsveitinni Between Mountains; og Bryndís Jónatansdóttir aka söngskáldið Febrúar; og sviðslistafólkið Nína Hjálmarsdóttir gjörninga- og sviðslistakona, Stefán Ingvar Vigfússon sviðshöfundur og grínisti og Andrea Vilhjálmsdóttir sviðshöfundur og dramatúrg.