Gangur er nú á rannsókn héraðssaksóknara á meintu spillingarmáli Samherja í Namibíu. Hópur starfsmanna frá embættinu fór til Namibíu, tók skýrslur af vitnum og átti fundi með embættismönnum í síðasta mánuði. Þetta kemur fram í Mogganum í dag.

Gagnrýni hefur komið fram á seinagang rannsóknarinnar hérlendis. Hún hefur tekið meira en fjögur ár. Virðist sem enginn hafi verið yfirheyrður allt árið í fyrra. Alls hafa átta manns rétt­ar­stöðu sak­born­ings í mál­inu.

Málið kom upp eftir afhjúpun Helga Seljan og félaga hans í fréttaskýringarþættinum Kveikur á Rúv. Tók Samherji til varna með fordæmalausri herferð. Grunur leikur á að margvíslegar mútur og sporslur hafi verið greiddar fyrir ítök Samherja í veiðum undir strönd Afríku, auk fleiri mála.

Lengst af hafa fjórir starfsmenn embættisins unnið að rann­sókn máls­ins auk aðkomu sak­sókn­ara og yf­ir­lög­regluþjóns.

Fram kemur í Mogganum að rann­sókn­in hér á landi sé nú vel á veg kom­in en ekki sé unnt að tíma­setja lok rannsóknar að svo stöddu.