Eistneska öryggisþjónustan hefur síðustu vikur og mánuði stöðvað fjölda tölvuárása á mikilvæga innviði í landinu. Er talið fullvíst að Rússar standi að baki árásunum, sem og skæðadrífu sprengjuhótana og skemmdarverka í landinu.
Forsætisráðherra Eistlands, Kaja Kallas, greinir frá því að fjölmargar netárásir hafi verið gerðar á ýmsar opinberar stofnanir að undanförnu en tekist hafi að verjast þeim. Í síðasta mánuði hafi þá verið framin skemmdarverk á bifreiðum, meðal annars bifreið innanríkisráðherrans Lauri Läänemets. Läänemets sjálfur hefur staðfest að talið er að Rússar hafi einnig staðið að baki fjölda af sprengjuhótunum í eistneskum skólum á síðasta ári, sem bárust með tölvupóstum.
Eftir því sem eistneska ríkissjónivarpið ERR greinir frá er leyniþjónusta Eistlands þess fullviss að Rússar beri ábyrgð á árásunum og skemmdarverkunum. Að minnsta kosti tíu manns hefur verið handteknir í tenglsum við rannsókn málanna. Þar af eru sex ennþá í haldi. Ríkissaksóknari Eistlands, Triinu Olev, sagði suma hinna handteknu vera rússneska ríkisborgara og aðra vera með tvöfalt ríkisfang, eistneskt og rússneskt.
Eins og Samstöðin greindi frá fyrir viku hafa Rússar sett Kallas forsætisráðherra á lista yfir eftirlýsta glæpamenn.
