Maskína hefur kynnt glænýja mælingu á fylgi stjórnmálaflokka.
Sjálfstæðisflokkurinn missir þrjú prósentustig og er með um 15 prósent.
Sósíalistar taka stökk upp um tvö prósentustig.
Langflestir segjast líkt og í könnunum á undan ætla að kjósa Samfyllkinguna eða um 27 prósent.
Fylgi Miðflokksins og Sjálfstæðisflokksins er á líkum nótum, 14-15 prósent.
VG réttir heldur út kútnum miðað við síðustu könnun og fær nú um 5 prósent samkvæmt könnun Maskínu.
Sósíalistar eru þó sem fyrr segir senuþjófurinn. 5,9% myndu nú kjósa sósíalista í dag. Ef fylgið yrði hið sama í kosningum fengi flokkurinn nokkra þingmenn. Sósíalistar mælast nú með meira fylgi en bæði Flokkur fólksins og VG.
Framsókn og Viðreisn eru með um 10 prósenta fylgi hvor.
Samanlagt fylgi við ríkisstjórnarflokkana þrjá er um 30 prósent.
Ef fylgið er brotið upp og skipt í fjölda þingmanna kemur eftirfarandi á daginn:
Sjálfstæðismenn myndu aðeins fá níu þingmenn – missa átta.
Framsókn fengi sex þingmenn, missir sjö.
VG fengi 3 og myndi missa 5. Aðeins átján þingmenn stæðu þá eftir í ríkisstjórninni sem þýðir að hún missir 20 eða meirihlutann.
Ef horft er til fylgis stjórnarandstöðuflokkanna raðast það eftirfarandi:
Samfylkingin fengi 18 þingmenn og myndi bæta við sig 12.
Miðflokkur fengi átta og myndi bæta við sig sex.
Viðreisn fengi 6 þingmenn og myndi bæta við sig einum.
Píratar stæðu á sléttu með sex.
Sósíalistar fengju 4 menn úr engum.
Flokkur fólksins myndi helmingast og færi úr sex mönnum í þrjá.
