650 milljarðar króna jafngilda 1.670 þús. kr. á hvern landsmann, tæpar 6,7 mkr. á hverja fjögurra manna fjölskyldu. Í raun er þessi skuld hluti af Hruninu, sem enn er að hrynja yfir þjóðina. Þetta er gjaldið fyrir bæði kosningaloforð Framsóknar 2003 um 90% íbúðalán til allra og vilja Sjálfstæðisflokksins til að færa íbúðalán frá ríkinu til ný-einkavæddra banka. Þetta tvennt saman var eitruð blanda sem þessir flokkar brugguðu í fullkomnu kæruleysi. Því miður er þetta aðeins brot af þeim byrðum sem almenningur þarf að bera vegna hagstjórnarmistaka þessara flokka.