Mogginn reynir að hughreista ríkisstjórnina og segir ekkert að marka skoðanakannanir

Oft er ein besta leiðin til að átta sig á stemmingunni innan Sjálfstæðisflokksins að lesa leiðara Morgunblaðsins. Leiðarinn sem birtist í morgun gefur til kynna að flokksmenn vilji klára kjörtímabilið, þrátt fyrir að það bendi til þess að flokkurinn muni gjalda afhroð í næstu kosningum. Flokksmenn virðast vel meðvitaðir um það en Morgunblaðið reynir að hughreysta þingmenn Sjálfstæðisflokksins. Það má nánast segja að leiðarinn sé fyrst og fremst ætlaðu fyrir augu örfárra en ekki allra áskrifenda Morgunblaðsins.

„Forystumenn stjórnmálaflokka eru teknir að horfa til næstu kosninga. En ekki endilega glaðbeittir allir. Ný skoðanakönnun birtist og neyðir þá suma til að horfa framan í „alvöruna“. En reynslan kennir okkur að kannanir sem birtast á þessum tíma, þegar kjörtímabil er vel hálfnað, segja ekki endilega alla söguna. Sennilega er rétt að benda á þá þekktu staðreynd í útskýringum og mati á nýfenginni „niðurstöðu“. En samtalið, sem forystumenn eiga hins vegar við sjálfa sig, gengur út á að erfiðar spár ber að taka alvarlega og íhuga þá kosti sem eru fyrir hendi til að breyta þeim í hagfelldari úrslit,“ segir í leiðara Morgunblaðsins.

Svo er haldið áfram: „Dæmin sýna að slíkt er hægt. Hin dæmin eru einnig til sem sýna að flokkar sem eru á mikilli siglingu og óvæntri á miðju kjörtímabili halda fylgisbylgjunni illa. Mörg slík sanna að iðulega er fylgisskot af því tagi fremur aðvaranir til flokka frá stuðningsmönnum sem lengi hafa verið trúir en óánægjan með „sinn flokk“ er raunveruleg. En óánægja á miðju kjörtímabili gefur flokknum færi á að gera betur og uppskera skár en horfur standa nú til. Alþýðuflokkurinn heitinn fór á slíka siglingu og komst upp í 30% í könnunum, en úrslitin 1991 dugðu aðeins til að tryggja flokknum tíu þingmenn og kjörtímabili síðar var sá ágæti flokkur kominn niður í sex.“

Að lokum viðurkennir Morgunblaðið að þetta sé auðvitað áfall. „Sjálfstæðisflokki hlýtur að vera brugðið við nýlega könnun og sama saga gildir um hina stjórnarflokkana tvo. Núverandi ríkisstjórn þriggja flokka, að jafnaði öflugra, dugar þeim ekki að sögn nýjustu könnunar til að mynda starfhæfa ríkisstjórn. Það hefur komið fyrir að þrír slíkir hafa ekki endilega viljað í slíka stjórn, en að þeir ráði ekki við það er nýlunda.“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina