Breyt­ing­ar­til­lög­ur fjárlaganefndar Alþingis gera ráð fyrir hækkun út­gjalda í fjár­mála­áætl­un­ ríkisins. Hækkunin nemur á áttunda hundrað milljóna næsta ár og meira en hálfum milljarði næstu ár allt til 2029.

Meirihluti nefndarinnar segir að þróun ríkisfjármála sé slík að kalli á áform um að eignasölu ríkisins verði hraðað.

„Síðastliðin ár hafa út­gjöld hins op­in­bera auk­ist mun meira hér á landi en ann­ars staðar á Norður­lönd­un­um,“ seg­ir í álit­i ,meirihluta fjárlaganefndar Alþingis.

Sem dæmi um kostnaðarsamar breytingar sem ríkisstjórnin hefur sjálf staðið fyrir er stóraukinn kostnaður eftir að ráðuneytum var fjölgað sem og þá bendir margt til hækkandi kostnaðar við öryggisgæslu, ekki síst vegna lífvarða ráðherra Sjálfstæðisflokksins eins og Samstöðin hefur fjallað um.

Meirihluti fjárlaganefndar telur koma til greina að í stað þess að nefskattur sé greiddur til að halda úti starfrækslu Rúv verði fjárframlög ákveðin í fjárlögum hvers árs. Þetta kemur fram í Morgunblaðinu í dag.

Meirihlutinn vill að löggan og Land­helg­is­gæsl­an verði und­anþegin al­mennri aðhalds­kröfu rík­is­ins á tíma­bili fjár­mála­áætl­un­ar­inn­ar en opnað verði sendi­ráð Íslands á Spáni.

Sendiráðið mun kosta landsmenn 177 milljónir fyrsta árið en síðan 132 milljónir árlega.