„Þjóðin þarf að samþykkja tvisvar áður en hún gengur í ESB“

„Ég sat þennan fund og það hryggir mig að formaður Framsóknarflokksins fari ekki rétt með orð Þorgerðar Katrínar. Ekkert nálægt þessu var sagt. Það kom hins vegar skýrt fram að Íslendingar muni geta greitt atkvæði um hvort halda eigi áfram aðildarviðræðum við ESB eða ekki,“ skrifar Sigmar Guðmundsson þingflokksformaður Viðreisnar.

„Þjóðin ákveður framhaldið en ekki ríkisstjórnarflokkarnir. Ef þjóðin vill halda viðræðum áfram þá verður það gert og samningurinn borinn undir þjóðina sem getur þá sagt já eða nei. Með öðrum orðum, þjóðin þarf að samþykkja tvisvar áður en hún gengur í ESB. Þetta er lýðræðislegt ferli og það getur að sjálfsögðu þýtt að þjóðin segi nei, allt eins og já.

Orðalagið að stefnt sé lóðbeint með þjóðina inn í ESB er því rangt og ekki í neinu samhengi við stjórnarsáttmálann eða þau orð sem féllu á fundinum. Trúi því ekki fyrr en reynir á að stjórnmálaflokkar ætli að leggjast gegn þjóðaratkvæðagreiðslu um málið. Af hverju að ræna Íslendinga réttinum til ákveða þetta?“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina