Það hefur ekki farið framhjá hlustendum og tryggum áhorfendum Samstöðvarinnar að veikindi dagskrárgerðarfólks hafa haft áhrif á starfsemina. Tveir af fjórum dagskrárgerðarmönnum hafa að mestu verið í veikindafríi undanfarið. Hefur nokkuð mætt á þeim sem hafa hlaupið í skarðið. Ótrauð heldur Samstöðin áfram að þjónusta áskrifendur, styrktaraðila, velunnara og almenning, enda hefur styrkur okkar fjölmiðilsins í ykkar eigu, aldrei verið meiri og hefur starfsfólk ekki merkt annað en að þjóðfélagslegt mikilvægi dagskrár Samstöðvarinnar sé óvéfengjanlegt.

Til að auka styrk á ný þarf stundum að hvíla lúið starfsfólk sem unnið hefur af fítonskrafti síðustu vikur og mánuði við krefjandi aðstæður. Í ljósi þessa hefur Samstöðin ákveðið að fella niður Rauða borðið, næstu tvær vikur til að bregðast við veikndum lykilstarfsmanna. Ekki verður boðið upp á glænýja þætti við Rauða borðið í dymbilvikunni sem og vikunni eftir páska heldur endursýnt úrvalsefni.

Önnur dagskrá verður á sínum stað.

Við vonum að tryggir notendur okkar sýni þessum aðstæðum skilning og ítrekum að aðeins er um tímabundið úrræði að ræða.

Þá verður ekki boðið upp á Syni Egils næsta sunnudag en helgi-spjallið verður á sínum stað á laugardag, Vikuskammtur í beinni útsendingu á morgun sem og aðrir þættir utan Rauða borðsins næstu vikur.