Eins og glöggir hlustendur og áhorfendur Ríkisútvarpsins hafa tekið eftir hefur mikið verið um endursýningar á þeim bænum í sumar. Rúv hefur úr um 10 milljörðum að spila árlega. Er þá ekki að undra að minni miðlar sem reiða sig nánast alfarið á frjáls framlög almennings hafi minnkað starfsemi í sumarfríinu.
Samstöðin hefur að miklu leyti endurflutt úrvalsefni síðustu vikur. Traustir hlustendur/áhorfendur Samstöðvarinnar fá þakkir fyrir samveruna í sumar og þau sem vilja heyra nýjar raddir ræða samtímann geta glaðst því í kvöld fer í loftið glænýr þáttur af Rauða borðinu, þar sem kennir ýmissa grasa.
Þar má nefna umfjöllun um sólmyrkvann í vikunni, Hinsegin daga, Danmörku, viðhorf Norðmanna til olíu og ESB, greiningu á fullveldishugtakinu og andúð Íslendinga á erlendum yfirráðum.
Rauða borðið fer í loftið að lokinni kynningu og spjalli þáttastjórnenda, klukkan 20 í kvöld og verður alla virka daga frá mánudegi til fimmtudags auk annarra dagskrárliða í viku hverri.
Hér er hægt að fylgjast með sunnudagsþætti gærdagsins á Samstöðinni, Synir Egils:
Við minnum þá sem vilja stuðla að framgangi Samstöðvarinnar á erfiðum rekstrartímum á að hér að neðan er hægt að ganga frá mánaðarlegu framlagi til stuðnings Samstöðinni.
