ASÍ beinir sök á Agnieszku Ewu og Ólöfu Helgu

Verkalýðsmál 8. okt 2022

„Þeim ber skýr og ó­tví­ræð skylda til þess að um­gangast gagna­grunna og skjöl fé­lagsins, þ.m.t. tölvu­pósta fyrrum starfs­manna í sam­ræmi við megin­reglur um per­sónu­vernd. Hafi nýir for­ystu­menn ekki virt þær reglur er um brot af þeirra hálfu að ræða,“ segir í yfir­lýsingu sviðstjóra á skrifstofu Alþýðusambandsins vegna fréttar Kjarnans um tölvupósthólf Sólveigar Önnu Jónsdóttur hjá Eflingu.

Í yfirlýsingunni er sagt að svar Hall­dórs Oddssonar lögfræðings ASÍ til Ólafar Helgu Adolfs­dótt­ur, þáver­andi vara­for­manns Efl­ing­ar, hafi verið gefið þeim fyrir­vörum að gæta þurfi reglum Per­sónu­verndar. Svarið byggir á ákvæðum ráðningarsamnings Sólveigar Önnu samkvæmt yfirlýsingunni, sem segir að öll sam­skipti, raf­ræn sem og önnur, sem starfs­maður mót­tekur og sendir starfs síns vegna, sem og gögn sem mynduð eru í kerfum og á þjónum fé­lagsins vegna starfsins, eru eign Eflingar.

Sólveig Anna hefur hins vegar birt ráðningarsamning sinn og þar er þetta ákvæði ekki. Sambærilegt ákvæði hljóða svo: „Eðli starfs síns vegna ber henni að meðhöndla allar upplýsingar, skjöl og gögn sem hún hefur aðgang að í starfi sínu af fyllsta trúnaði. Við starfslok afhendir hún öll skjöl, skilríki og önnur gögn sem eru í hennar vörslu og tilheyra félaginu.“

Sólveig Anna segir að ákvæðið sem sviðstjórarnir vitna til hafi verið sett í ráðningasamninga síðar, en sé ekki í hennar samningi. Samkvæmt því hefur Halldór byggt álit sitt á ágiskun frekar en raunverulegum gögnum eða verið færð vitlaus gögn.

En í svari Halldórs til Ólafar Helgu ítrekar hann umgegni um gögnin: „Mér skilst að Karl Karls­son lög­maður fé­lagsins sé til vitnis um að þau hafi klárað það. Það eina sem eftir er að gera er að loka tölvu­póst­hólfinu en áður en það er gert þá verðið þið að skjala þau gögn sem þar eru inni og hafa gildi fyrir fé­lagið enda eru þau eign þess. “

Í frétt Kjarnans segir hins vegar: „Í kjöl­far þessa var tölvu­póst­hólf bæði Sól­veigar Önnu og Við­ars hjá Efl­ingu tengt við tölvu­póst­kerfi Agni­ezsku. Tölvu­póstur þeirra var því opinn til vinnslu fyrir hana að minnsta kosti frá 12. jan­úar til 13. apríl 2022, sam­kvæmt upp­lýs­ingum frá upp­lýs­inga­tækni­þjón­ustu­að­il­an­um, án þess að nokkrar hömlur væru á aðgengi Agni­eszku að póst­hólf­unum og án þess að Sól­veig Anna og Viðar vissu að því að aðgengið hefði verið veitt.“

Ef þarna er rétt greint frá er augljóst af ekki var farið eftir því sem Halldór tiltók í bréfinu. Hann áréttaði umgengnina um pósthólfið: „Að sjálf­sögðu gilda enn þá reglur per­sónu­verndar og frið­helgis um þær per­sónu­greinan­legu upp­lýsingar sem þar er að finna, hvort sem um er að ræða upp­lýsingar er varðar þau sjálf eða ein­hverja aðra.“

Með þessari yfirlýsingu beina sviðstjórar ASÍ sökinni að þeim Ólöfu Helgu og Agnieszku Ewu Ziólkowska, varaformanni Eflingar.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Þú getur skráð þig hér: Skráning félaga

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Skrá mig arrow_forward

Rauða borðið
í beinni
Rauða borðið, 24. maí