Kennarar í Bretlandi hafa samþykkt verkföll til að knýja á um frekari launahækkanir. Þeir hafna tilboði ríkisstjórnar Íhaldsflokksins, sem vill að launafólk taki á sig kjaraskerðingu á verðbólgutímum. Ríkisstjórnir hefur boðið 5% launahækkun í 10% verðbólgu, ekki svo langt frá 6,75% hækkun meðallauna í samningum verslunar- og iðnaðarmanna.
Eins og algengt er í Bretlandi verður skæruverkföllum beitt, það fyrsta 1. febrúar. Verkfallsdagar verða sjö á einum og hálfum mánuði. en kennarar í hverjum skóla munu ekki leggja niður störf í meira en fjóra daga.
Verkföll kennara bætast við verkföll hjúkrunarfræðinga, lestarstarfsmanna og fleiri stétta.
