Gat á netapoka sjókvíar Háafells

Enn á ný er hætt við að laxar hafi sloppið úr sjókvíum. Gat kom á netapoka einnar sjókvíar Háafells við Skarðshlíð í Ísafjarðardjúpi.

Matvælastofnun barst tilkynning frá Háfelli í dag um 10-20 cm langa rifu í netapoka í einni sjókvínni á um 10m dýpi.

Samkvæmt upplýsingum á vef Matvælastofnunar uppgötvaðist gatið við reglubundið eftirlit á kví C5 og er bráðabirgðaviðgerð á netinu lokið. Í þessari tilteknu kví höfðu verið sett 115.255 laxaseiði þann 5. október 2022. Laxaseiðin eru að meðaltali um 500g að þyngd.

Við síðasta neðansjávareftirlit sem framkvæmt var um miðjan janúar sl. Var netapokinn heill svo rifan hefur orðið til einhverntíman á þessum rúma mánuði.

Til að tryggja að ekki séu fleiri göt á öðrum kvíum Háafells hefur Matvælastofnun fyrirskipað köfun í allar kvíar á eldissvæði fyrirtækisins. Þá er tekið fram á vefsíðu eftirlitsins að Háafell leggi út net í fullu samráði við Fiskistofu.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina