Bátur á leið til Kanaríeyja, sem samkvæmt áætlunum alþjóðlegra hjálparstofnana var með að minnsta kosti 59 um borð, sökk um 140 kílómetrum frá strendum Gran Canaria. Einhver fjöldi barna er meðal hinna látinna, ekki er enn vitað hversu mörg.
Yfirvöld í Morokkó hafa séð um björgunaraðgerðina til þessa.
39 er enn saknað samkvæmt spænsku samtökunum Caminando Fronteras (Walking Borders). Yfirvöld í Morokkó náðu að bjarga 24 á meðan að þyrla frá spænsku landhelgisgæslunni hefur náð að veiða eitt lík úr sjónum. Var þar um barn að ræða.
Enn er ekk vitað nákvæmlega hversu margir voru um borð, en talið er að það var í kringum 60.
Var um uppblásinn bát að ræða, sem sökk með fyrrgreindum afleiðingum.
Spænsk yfirvöld upplýsa á sama tíma að þau komu 51 fólki til bjargar í dag, sem voru á samskonar báti og lentu í vandræðum um 11 kílómetrum frá austur-strönd Lazarote á Kanaríeyjum.
Hættulegt ferðalag
Samkvæmt innanríkisráðherra Spánar hafa 5.914 manns náð til stranda Spánar á þessu ári. Samkvæmt tölum frá Sameinuðu þjóðunum lifðu 29.895 af ferðina yfir hafið til Spánar á síðasta ári.
418 dóu hinsvegar í tilrauninni.
(Myndin tengist fréttini ekki beint)
