Félagsmenn í Félagi grunnskólakennara og Félagi leikskólakennara hafa samþykkt nýgerða kjarasamninga. Atkvæðagreiðslu um kjarsamninga Félags grunnskólakennara (FG) og Félags leikskólakennara (FL) lauk klukkan tólf í dag
Samninganefndir FG og FL undirrituðu hvor um sig kjarasamning við Samband íslenskra sveitarfélaga föstudaginn 26. maí síðastliðinn.
Samningarnir voru kynntir félagsmönnum beggja félaga og síðan bornir undir atkvæði. Allsherjaratkvæðagreiðsla meðal félagsmanna beggja félaga hófst þriðjudaginn 30. maí og lauk á hádegi í dag.
Úrslit atkvæðagreiðslnanna voru svohljóðandi
Félag grunnskólakennara
- Á kjörskrá voru 5.220
- Atkvæði greiddu 2.996 eða 57,39%
- Já sögðu 2.180 eða 72,76%
- Nei sögðu 771 eða 25,74%
- Auðir voru 45 eða 1,50%
Félag leikskólakennara
- Á kjörskrá voru 2.094
- Atkvæði greiddu 1.410 eða 67,34%
- Já sögðu 1.164 eða 82,61%
- Nei sögðu 222 eða 15,76%
- Auðir voru 23 eða 1,63
Gildistími beggja samninga er 1. apríl 2023 til 31. maí 2024.
Frétt af vef Kennarasambandsins.