Þúsundir taka nú þátt í mótmælum gegn grískum stjórnvöldum, ásamt stefnu Evrópusambandsins í innflytjendamálum, í mörgum borgum Grikklands. Eru grísk stjórnvöld gagnrýnd fyrir að hafa brugðist of seint við í slysinu sem varð fyrr í vikunni þar sem a.m.k. 78 dóu og hundruða er enn saknað.
Um hundrað manns var bjargað, en illa hefur gengið að finna fleiri og nú er svo gott sem öll von að verða úti um að fleiri muni finnast á lífi. Yfirvöld í Grikklandi hafa áætlað að allt uppí 750 manns voru mögulega um borð, þ.á.m. um 40 börn.
Níu hafa verið handteknir fyrir að hafa staðið í þessum flutningi fólksins, en talið er þó að um lágtsetta aðila innan smyglhringsins séu að ræða – ekki þá sem koma til með að græða mest á ferðinni. Eru þessir aðilar nú í haldi í borginni Kalamata í Grikklandi.
Mótmælin
Mótmælin eiga sér stað í mörgum borgum Grikklands. Ásamt því að gagnrýna stefnu Evrópusambandsins, þá eru grísk stjórnvöld harðlega gagnrýnd fyrir að hafa ekki komið skipinu til hjálpar, en skip frá landhelgisgæslu Grikklands var búið að vera að fylgja bátnum í nokkra klukkutíma áður en hann snerist svo við og sökk með þessum afleiðingum – eitthvað sem gerðist á fáeinum mínútum.