Nú að morgni miðvikudags lét Efling frá sér fréttatilkynningu þar sem fram kemur að félagið bjóði Grindvíkingum 25 orlofshús þess til afnota meðan þörf er á. Hvert hús rúmar 5–10 manneskjur, kemur fram í tilkynningunni. Um leið þakkar félagið félagsfólki sem hafði bókað dvöl í húsunum um þessar mundir fyrir skilninginni og að vera tilbúið að víkja fyrir annarri notkun þeirra í yfirstandandi neyð.
Orlofshús Eflingar eru á víð og dreif um landið, flest þó í suðvesturhluta þess, frá Hveragerði til Flúða.
Tilkynningin í heild
„Efling rýmir orlofshús vegna náttúruhamfara í Grindavík
Í ljósi þeirrar gríðarlega erfiðu stöðu sem skapast hefur í Grindavík, en allir íbúar bæjarins hafa þurft að yfirgefa heimili sín vegna náttúruhamfara, verða orlofhús Eflingar boðin Grindvíkingum til notkunar meðan þörf er á að beiðni viðbragðsaðila.
Efling býður 25 orlofshús á suðurlandi til afnota fyrir íbúa Grindavíkur. Hvert hús rúmar frá 5 – 10 einstaklinga. Í húsunum er öll helstu heimilistæki að finna. Starfsfólk Eflingar og umsjónarmenn orlofshúsa vinna nú að því að undirbúa orlofshúsin til notkunar. Efling þakkar félagsfólki sem hafði bókað dvöl í umræddum orlofshúsum fyrir skilninginn í þeim erfiðu aðstæðum sem nú ríkja. Útfærsla á úthlutun orlofshúsa er enn í vinnslu, en til að fá úthlutað orlofshús bendir Efling á að hafa samband við Rauða krossinn í síma 570 4000. Ef ekki næst samband við rauða krossinn er hægt að hafa samband við Eflingu með tölvupósti á efling@efling.is
Frekari fregnir um dreifingu orlofshúsa verður deilt á vefsíðu Eflingar þegar þær berast.
Stjórn og starfsfólk Eflingar senda Grindvíkingum hugheilar samstöðukverður.“
