„Rík­is­stjórn­in hef­ur fyr­ir löngu gefið mál­efni „flótta­manna“ frá sér í hend­ur sér­legra áhuga­manna um þann mála­flokk og hafa fyr­ir löngu misst tök á mál­inu, sem hefn­ir sín núna. Það er búið að reyta upp hvern kima til þess að bregðast við. Stöðva verður þenn­an flaum, ekki síðar en strax, og taka hann úr hönd­um áhuga­manna og sér­vitr­inga,“ er skrifað í Reykjavíkurbréf Morgunblaðsins, sem einkum eldri borgarar eru áskrifendur að.

Ætla má að Davíð Oddsson, fyrrum formaður Sjálfstæðisflokksins, haldi þarna á penna, ekki síst þar sem greining höfundar á ástandinu í Bandaríkjunum er í takt við málflutning Donald Trump, en Davíð er eldheitur aðdáandi og stuðningsmaður Trump.

„Banda­rík­in engj­ast öll vegna „lög­lausra“ flótta­manna í tíð Joes Bidens og verður það mál for­set­an­um erfitt í haust. Það mál hef­ur aldrei farið svo mjög úr bönd­un­um þar vestra eins og nú,“ stendur í Reykjavíkurbréfinu. „En miðað við íbúa­fjölda á hvor­um stað mun­ar furðulitlu. Það er eng­inn slík­ur straum­ur með flug­vél­um vest­ur. Ekki neinn. Það er aðeins á suður­landa­mær­um, þar sem vaða má yfir ár, úr Suður- og Mið-Am­er­íku og inn í Banda­rík­in. Flug­fé­lög­in eru sektuð vestra flytji þau „flótta­menn“. Það er ekki gert hér og vek­ur furðu. Við álpuðumst í Schengen-sam­starfið. Það voru meg­in­mis­tök. Um það var ágrein­ing­ur í rík­is­stjórn, en tveir fagráðherr­ar þar lögðu á það of­urkapp. Svo kom á dag­inn hvað að baki bjó. Þess­ir tveir áttu leynda drauma um að þrengja Íslandi inn í ESB hveð sem tautaði og raulaði.“

Ísland gekk í Schengen 1996, í tíð ríkisstjórnar Sjálfstæðisflokks og Framsóknar sem Davíð leiddi. Í þeirri ríkisstjórn var Halldór Ásgrímsson utanríkisráðherra og Þorsteinn Pálsson dómsmálaráðherrarnir. Þetta virðast vera þeir sem blinduðu Davíð, samkvæmt Reykjavíkurbréfinu, svo hann fattaði ekki hvað Schengen var.

„Dan­ir voru komn­ir í ógöng­ur, en höfðu mann­dóm til að streit­ast á móti,“ heldur Reykjavíkurbréfið áfram. „Sví­ar eru í hrein­um ógöng­um sem þeir munu lengi súpa seyðið af. Bret­ar hafa einnig misst sín tök og berj­ast um að fá málið lag­fært. En Frakk­ar, í hefnd­ar­skyni vegna Brex­it-út­göngu Breta, gera ekk­ert til að stemma stigu gegn því að „báta­flótta­menn“, sem glæpaklík­ur stjórna, leggi yfir Ermar­sundið og það þótt fjöldi manna hafi far­ist í þess­um leiðöngr­um. Í ná­granna­rík­inu Írlandi, sem er lítið land og fá­mennt, eru íbú­ar í bæn­um Rosslarce Har­bour komn­ir með upp í kok. Þegar fjórða hót­elið í bæn­um var tekið und­ir flótta­menn brugðust þeir loks við. „Nú er komið nóg.“ Írland hef­ur tekið á móti 100 þúsund flótta­mönn­um frá Úkraínu einni! Þeir sem andæfa því hvernig komið er og hvetja til still­ing­ar von­ast til að hófstillt kjör­orðið: „Nú er komið nóg“ dugi til þess að rík­is­stjórn­in, sem misst hef­ur vitið í þess­um efn­um, finni að minnsta kosti brot af því aft­ur.“

Höfundur bréfsins virðist því vera að leggja til að hætta verði að taka við flóttafólki frá Úkraínu, að landinu verði lokað. „Ekk­ert bend­ir hins veg­ar til þess að ís­lensk yf­ir­völd sjái að sér, áður en það verður um sein­an. Það er af mörg­um tal­in megin­á­stæða þess, að Sjálf­stæðis­flokk­ur­inn hef­ur vind­inn í fangið um þess­ar mund­ir og er hann smám sam­an að breyt­ast í storm,“ endar höfundur sitt Reykjavíkurbréf.