Banna Hlín Halldórsdóttir sem gift er brúnum karlmanni frá Afganistan hefur bannað eiginmanni sínum, Navid, sem ekur leigubíl að fara í vinnuna þar sem lífi hans hafi verið ógnað. Framkoman er vegna rasískra ofsókna að hennar sögn.
Ungir íslenskir karlmenn hafa að sögn Nönnu ítrekað stigið út úr leigubíl Navids að lokinni ferð án þess að greiða fargjaldið.
Það er þó ekki verst heldur hafa margir ógnað honum. Navid er hættur að nota bílbelti af ótta við að hann gæti þurft að komast eldsnöggt út úr eigin bifreið.
Vini Navid var nýlega ógnað með hnífi af fullum íslenskum karlmanni. Sá kynnti sig sögunnar sem „The Viking“.
„Ég er hreinlega hrædd um líf hans,“ segir Nanna. „Ég er eins og mamma sem stend við stóra umferðagötu og rígheld í hönd barnsins míns.“
Athugasemdir á samfélagsmiðlum benda til mikillar uppsveiflu rasisma að hennar sögn á skömmum tíma.
„Stjórnmálamenn eru búnir að veita rasistunum í flokkunum sínum og utan flokka veiðileyfi á fólk í viðkvæmum hópum,“ segir Nanna.
„Og ég er ekki einu sinni byrjuð á að tala um að þetta er að gerast á sama tíma og við horfum á Palestínufólk deyja.“
Frásögn Nönnu er ein fjölmargra síðustu daga sem benda til aukins útlendingahaturs hér á landi.
