26 oddvitar sjálfstæðismanna í ýmsum sveitarfélögum, hjóla í Heiðu Björg Hilmisdóttur, formann Sambands íslenskra sveitarfélaga með aðsendri grein í Mogganum í dag. Yfirskrift greinarinnar er „Óboðleg vinnubrögð“.

Framganga Heiðu í baráttumálinu um fríar skólamáltíðir sem jöfnunartæki og innlegg í kjarasamninga fer illa fyrir brjóstið á oddvitunum. Fram hefur komið að sjálfstæðismenn víða um land og meðal annars í Reykjavík, vilja ekki að börn fái frían hádegismat í skólum. Heiða hafi ráðskast með sjálfsákvörðunarrétt sveitarfélaga  og ekki starfað í samræmi við eindreginn vilja sveita­stjórna og bók­un stjórn­ar. Rangt sé að sátt sé um breytinguna, að því er kemur fram í greininni í Mogganum.

Í dag fer fram ársþing sveitarstjórnarfulltrúa. Ljóst er að sjálfstæðismenn ætla að sauma að Heiðu á þinginu. Kannski líta þeir almennt svo á sem hádegisverðurinn sé aldrei ókeypis – samanber möntru sem Hannes Hólmsteinn Gissurarson einn helsti hugmyndafræðingur flokksins klifaði á þegar nýfrjálshyggjan ruddi sér til rúms hér á landi.

Meðal þeirra sem mótmæla framgöngu Heiðu eru Alm­ar Guðmunds­son, Garðabæ, Ásdís Kristjáns­dótt­ir, Kópa­vogi, Ásgeir Sveins­son, Mos­fells­bæ, Eyþór Harðar­son, Vest­manna­eyj­um, Heim­ir Örn Árna­son, Ak­ur­eyri, Hild­ur Björns­dótt­ir, Reykja­vík og Rósa Guðbjarts­dótt­ir, Hafnar­f­irði