Minni samkennd mælist meðal nemenda í íslenskum grunnskólum en hjá jafnöldrum þeirra í skólum á hinum Norðurlöndunum.
Þetta er áhyggjuefni að sögn Ómars Arnar Magnússonar, skólastjóra Hagaskóla en niðurstaðan kemur fram í síðustu PISA-könnun.
Ómar Örn ræddi málið við Rauða borðið á Samstöðinni í gærkvöld. Enn er verið að funda vegna svartrar niðurstöðu í Pisa-könnuninni innan skólakerfisins en mikilvægt er að heimili,skólar og allt samfélagið bæti menntun hér á landi að sögn Ómars og einn brýnt verkefni er að krakkarnir sýni náunga sínum meiri samhygð. Neikvæð breyting hefur orðið á hegðun gagnvart minnihlutahópum svo sem samkynhneigðum börnum.
Þá hefur orðið aukin stéttaskiping meðal nemenda sem tengist misgóðum skilningi nemenda á tungumálinu. Skólinn er ekki lengur það jöfnunartæki sem við héldum að hann væri heldur meira spegill samfélagsins að sögn skólastjórans.
Einnig er áhyggjuefni að samkvæmt rannsóknum fá íslenskir grunnskólanemendur nú ekki næga vitræna áskorun innan veggja skólastofunnar.
Fyrir vikið sýna rannsóknir að íslenska menntakerfið getur nú af sér umtalsvert færri afburðanemendur en ætli mætti miðað við höfðatölu á sama tíma og fleiri börn lenda í brasi með nám sitt.
