„Er hugsanlegt að núverandi eignarhald á hópferðafyrirtækjum, sem sjá um farþegaflutninga milli Reykjavíkur og Keflavíkurflugvallar, sé að flækjast fyrir verkefninu?“

Þannig spyr leiðsögumaðurinn Guðmundur Björnsson ritaði í grein sem hann birtir á Vísi og fjallar um nauðsyn hraðlestar til og frá Keflavíkurflugvallar.

Hópferðafyrirtæki hafa töluverða hagsmuni af því að halda í núverandi farþega og gætu sett þrýsting á stjórnvöld til að tefja eða hindra framkvæmdina,“ segir Guðmundur.

„Það er ljóst að samkeppnin um farþega mun aukast með tilkomu hraðlestar og það gæti haft áhrif á núverandi þjónustuaðila, en á það að bitna á hagsmunum heildarinnar?“

Guðmundur segir lest frábæra hugmynd og rifjar upp tllögu Lava Express, sem var kynnt með pompi og prakt árið 2016.

„Þetta verkefni er sagt hafa gríðarlega möguleika til að bæta samgöngur, draga úr umferðarþunga og stuðla að umhverfisvænni ferðamátum.“

Helstu kostir séu tímasparnaður og þægindi. Lest nái allt að 250 km/klst hraða og ferðin taki korter.  Gríðarlegur tímasparnaður miðað við núverandi valkosti, eins og rútur og leigubíla.

Hægt yrði að ferðast á 15 mínútna fresti á annatímum​​​​ og efnahagslegur og umhverfislegur ávinningur ómældur.

Heildarkostnaður er talinn rúmlega 100 milljarðar króna.