Á síðustu metrunum fyrir þingslit var samþykktur á Alþingi fjöldi frumvarpa, m.a. frumvörp um sameiningu stofnana.
Þannig verður Umhverfis- og orkustofnun verður til úr hluta Umhverfisstofnunar og Orkustofnunar.
Náttúruverndarstofnun verður til úr hluta UST og Vatnajökulsþjóðgarði.
Guðlaugur Þór Þórðarson umhverfis-, orku- og loftslagsráðherra, gumar af þessum áfanga á facebook-síðu ráðherrans. Hann segir að stofnunum ríkisins hafi nú fækkað með tilheyrandi hagræðingu, auk þess sem nýjar sameinaðar stofnanir séu betur til þess fallnar að seinna hlutverkum sínum.
Fulltrúi úr hópi almennings spyr á facebook-þræðinum hve miklir peningar sparist á þessum breytingum? Svarar Guðlaugur Þór að reiknað sé með að hagræðingin verði hálfur milljarður árlega.
Sigurður Erlingsson sem starfar sem landvörður hjá Vatnajökulsþjóðgarði bregst illa við þessu svari ráðherrans. Hann lætur Guðlaug Þór hafa það:
„Af hverju var þá upplagið á starfsmannafundum á mánudaginn að markmið sameiningarinnar væri ekki hagræðing og fækkun starfsmanna?“ Spyr Sigurður. „Hvort voruð þið að ljúga að starfsmönnum eða hér?“
Ráðherrann hefur ekki svarað spurningunni. Augljóst er að sameiningin er umdeild. Lýsa margir áhyggjur af því að boðað hafi verið til breytinganna til að bola Höllu Hrund Logadóttur orkumálastjóra úr starfi til að ráða flokksgæðing í hennar stað.
