Ef umhverfisrök munu ekki stöðva áætlanir eru líkur á að fyrsti vindorkugarður landsins rísi í landi Sólheima í Dalabyggð innan nokkurra missera. Vindorkan gæti skilað allt að 210 megawöttum ef settar verða upp 29 vindmyllur líkt og að er stefnt. Hallgrímskirkjuturn er rúmir 70 metrar til samanburðar.
Þetta má lesa í umhverfismatsskýrslu sem Qair Iceland hefur lagt fram og er nú til kynningar í Skipulagsgátt. Morgunblaðið í dag fjallar um málið en samkvæmt vefsíðu Quair er um franskt fyrirtæki að ræða sem hefur haslað sér völl á fleiri sviðum orku en bara vindi víða um heim. Tryggvi Þór Herbertsson, fyrrum þingmaður Sjálfstæðisflokksins, var árið 2002 ráðinn starfsmaður Quair. Hann hefur á fundum hér innanlands rekið áróður fyrir vindmyllugörðum eins og Heimildin hefur fjallað um.
Vindmyllugarðar eru mjög umdeild orkuöflun vegna sjónrænna áhrifa og hafa margir lýst áhyggjum af því að íslensk ferðaþjónusta sem gerir út á óspillt víðerni og óraskaðan sjóndeildarhring kunni að skaðast verulega. Landvernd er meðal gagnrýnenda.
Framkvæmdasvæði hins fyrirhugaða vindmyllugarðs í Dalabyggð er afar víðfemt og spannar um 3.208 hektara á eystri mörkum sveitarfélagsins Dalabyggðar. Búðardalur er um 23 kílómetra vestur af framkvæmdasvæðinu. Borðeyri í 10 kílómetra fjarlægð í austur.
Gert er ráð fyrir að fyrst verði 21 vindmyllu komið upp en átta bætist svo við og er fyrirhugað að framkvæmdir taki 32 mánuði.
Sjá umfjöllun Moggans hér:
