Formaður fjárlaganefndar vill koma böndum á Seðlabankann

Sigurjón Þórðarson, formaður fjárlaganefndar Alþingis, var gestur í Rauða borðinu á Samstöðinni. Þar viðraði hann skoðun sína á starfi Seðlabankans.

„Ég hefði viljað að það yrðu sett lög á Seðlabankann. Þessi stefna sem er búið að reyna núna, þessi hávaxtastefna, er ekki að gera sig. Ég er talsmaður þess. Aðrir eru í kennslubókinni og telja að Seðlabankinn eigi að hafa sjálfstsæði, til að hafa þessa háu vexti sem eru langt umfram verðbbreytingar. Ég spyr, hvert er markmipið með þessu?

Hér eru atta prósent vextir og fimm prósent verðbólga. Þetta er mjög óeðlilegt ástand. Hverju ætlar þeir að ná fram? Ég get ekki séð annað en þessir háu vextir séu jafnvel farnir að bíta í skottið á sér og ýti frekar undir ójafnvægi heldur en hitt.“

Hvað viltu gera? Svipta Seðlabankann sjálfstæði sínu?

„Ég er að segja að Seðlabankinn verði að horfa til annarra átta heldur en að ná verðbólgunni í 2,5 prósent. Mér finnst það skipta máli. Ég vil horfa á raunveruleikann. Ef hlutinrir eru ekki að ganga upp, þá þurfa menn að tala upphátt um það. Seðlabankinn er eins og heilög kýr sem baular út í eitt og ekkert er gert þegar hlutirnir ganga ekki upp.

Ég tel aauhljóst að það verði að skoða aðrar leiðir.“

Ef aðhaldið vantar, hvað gerist þá?

„Það er ekki bara hægt að taka peninga frá þeim sem skulda. Það verður að vera jafnvægi. Eðlilegast væri þá að koma með skattahækkanir, það er ef við erum sammála um að það sé of mikið peningamagn í umferð. Þessir háu vextir flytja peningana. Ekki síst frá yngri kynslóðunum yfir til fjármagnseigenda. Þetta er of mikið og hefur verið í of langan tíma.“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina