Yfirbragð spjallþáttar Gísla Marteins á Ríkissjónvarpinu er eins og þarna sé á ferðinni þáttur unga fólksins sem er á twitter og er með puttann á púlsinum. Reyndin er að þátturinn er vinsælastur hjá eftirlaunafólki og fátt ungt fólk horfir á þáttinn.
Þegar aldurssamsetning áhorfenda á Vikan með Gísla Martein er skoðuð sést að aðeins 9% fólk undir fertugu horfir á þáttinn en 43% fólks yfir sextugt. Og 53% fólks yfir sjötugt.
Það má best glöggva sig á þessu á svokölluðu ratsjárriti:
Þarna sést að fólk yfir sextugt er um helmingur áhorfenda og fólk yfir fimmtugt um tveir þriðju hlutar þeirra sem horfa á þáttinn í frumsýningu og endursýningu.
8% fólks á fertugsaldri horfir á þáttinn, sá aldurshópur sem kannski eru líklegust til að vera mikið á twitter, en þátturinn er á margan hátt endurspeglun á þeim viðhorfum sem eru ríkjandi á twitter.
Þetta sýnir auðvitað áhorfendur Ríkissjónvarpsins fremur en aðdáendur Gísla Marteins, svona er salurinn sem Ríkissjónvarpið bíður upp á. Sem er auðvitað bara eins og það er. Þáttur Gísla Marteins er því eins og sviðsetning twitter-fólksins fyrir gamla fólkið á Facebook.
Hér má sjá nýjasta þáttinn: Vikan með Gísla Marteini
Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Þú getur skráð þig hér: Skráning félaga