Væri mál Erlu tekið upp aftur og hún sýknuð er óhjá­kvæmi­legt annað en að sá sýknu­dómur næði líka til Sæv­ars og Krist­jáns, en þau voru öll þrjú ákærð og sak­felld fyrir þessar röngu sak­ar­gift­ir. Í slíkum dómi fælist sem sagt við­ur­kenn­ing á því að það hafi verið lög­reglu­menn­irnir sem áttu frum­kvæðið og fengu þessa tví­tugu krakka í lið með sér í þeim göf­uga til­gangi að geta hand­tekið bana­menn Geir­finns,“ skrifar Jón Daníelsson blaðamaður í grein í Kjarnanum, en hann gaf á sínum tíma út bók um Geirfinnsmálið.

„Í slíkum dómi fælist við­ur­kenn­ing á því að rann­sak­endur máls­ins hafi beitt ótrú­lega óvönd­uðum með­ölum og jafn­vel gerst brot­legir við lög. Jafn­vel þótt slíkar sakir séu löngu fyrndar virð­ist svo dökkur blettur ekki mega falla á lög­regl­una,“ heldur Jón áfram.

Hann rekur í greininni hvernig Erla Bolladóttir, Sævar Ciesielski og Krist­ján Við­ar Viðarsson voru leidd af lögreglunni til að bera sök á fjórmenninga, sem síðan voru handteknir og haldið lengi saklausum í gæsluvarðhaldi.

„Þessar yfir­heyrslur eru senni­lega allra skýrasta vís­bend­ingin sem höfum nú um frum­kvæði og til­gang lög­regl­unn­ar. Til þess að geta hand­tekið Sig­ur­björn þurfti lög­reglan nauð­syn­lega að fá fram vitn­is­burði um að hann hefði verið í drátt­ar­braut­inni,“ skrifar Jón.

Og heldur áfram: „Lög­reglan þurfti líka á vitn­is­burðum að halda til að hand­taka Magnús Leo­polds­son. Gæslu­varð­hald Ein­ars Bolla­sonar og Valdi­mars Olsen virð­ast einna helst hafa verið ein­hvers konar fórn­ar­kostn­aður í sam­heng­inu. En lög­reglan fékk fram vitn­is­burði, sem hún taldi duga til að hand­taka alla þessa menn. Þre­menn­ing­arnir sem unnu að þess­ari rann­sókn höfðu auð­vitað góða reynslu af því að fá menn til að kikna undan ein­angrun í gæslu­varð­haldi og þeir virð­ast í upp­hafi hafa reiknað með að Sig­ur­björn og Magnús myndu á end­anum gef­ast upp og játa,“ skrifar Jón.

Jón segir það einmitt vera frum­kvæðið sem málið snýst um. Það séu bara tveir mögu­leik­ar: Annað hvort átti unga fólkið sjálft frum­kvæðið að þessum röngu sak­ar­giftum eða frum­kvæðið kom frá lög­reglu­mönn­un­um. Það koma engir aðrir til greina. Og það er auð­vitað hér sem hníf­ur­inn stendur í kúnni.

Grein Jóns má lesa hér: Ósvífinn endurupptökudómur.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Þú getur skráð þig hér: Skráning félaga