ASÍ vill rýmri rétt til gjafsóknar fyrir fátæka

Dómsmál 12. des 2022

Alþýðusamband Íslands telur að rýmka beri heimildir efnaminni Íslendinga til gjafsóknar vegna líkamstjóna.

Þetta kemur fram í umsögn ASÍ um frumvarp til laga um skaðabótalög sem þingmenn Flokks fólksins hafa lagt fram á Alþingi.

Í umsögninni kemur fram að ASÍ hafi áður sent frá sér umsagnir um sama mál sem er nú lagt fram í fjórða skipti.

Segir í umsögninni að ASÍ telji, líkt og áður, rétt að heimildir til gjafsóknar fyrir efnaminni Íslendinga verði rýmkaðar verulega hvort sem um skaðabótamál er að ræða eða ekki.

Mikilvægt sé að efnaminna fólki verði tryggður aðgangur að réttarkerfinu til jafns við hina efnameiri.

Á hinn bóginn telur ASÍ ekki ráðlegt að falla með öllu frá skilyrðum 1.mgr. 126.gr. Einkamálalaga þar sem skilyrðislaus gjafsókn geti stuðlað að tilefnislausum málaferlum og þannig hamlað uppgjörum og sáttum innan og utan réttar.

Frétt af vef Alþýðusambandsins.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Skrá mig arrow_forward

Rauða borðið
í beinni
Rauða borðið, 24. maí