Kuldinn í dag hefur rokkað á milli 5 og 15 stiga frosts á landsvísu. Mikið álag hefur verið á hitaveitunni í kuldatíðinni undanfarnar vikur. Notkun á heitu vatni verður meiri í kuldanum og því var hitaveiturnar við þrýstingslækkunum á kerfunum. Fólk er hvatt til að fara vel með varmann, þétta glugga og hurðir og spara við sig í heitu vatni með því að láta ekki renna í heita potta eða baðkör á köldustu dögunum.
Veitur starfa með þá stefnu að leiðarljósi að byggja upp og reka hagkvæm veitukerfi með öryggi, umhverfissjónarmið og langtímaþarfir viðskiptavina og samfélags að leiðarljósi og að geta veitt nægilegt heitt vatn alltaf. Hins vegar starfar fyrirtækið einnig út frá áhættustefnu þar sem meginmarkmiðið er að tryggja að Veitur geti sinnt hlutverki sínu á öruggan og hagkvæman máta með lágmarksáhættu. Það skal til dæmis gert með því að draga úr sveiflum í afkomu Veitna á hverjum tíma með tilliti til undirliggjandi áhættu í rekstrinum og að áhættuþættir séu ávallt innan skilgreindra marka sem stjórnin setur og er skráð í svokallaða áhættuhandbók.
Í kuldanum skerða Veitur framlag á heitu vatni til stórnotenda, þar á meðal sundlauga á höfuðborgarsvæðinu vegna álags á hitaveitukerfið. Það má því áætla að það sé rekstrarleg hagræðing að skerða flutningsgetu kerfisins.
Ef skoðuð eru talnagögn frá fyrirtækinu má sjá að lengd lagna hefur rokkað töluvert milli ára og að álíka lítið sé um lengd lagna á síðasta ári og var í kringum hrun.
Ljóst má þó vera miðað við mikla uppbyggingu á nýjum hverfum á höfuðborgarsvæðinu og víðar sé þörfin fyrir bæði nýjar borholur og bolmagn veitukerfanna til flutningi á vatni töluverð.
