Neyðarástand á Selfossi – Bærinn á barmi gjaldþrots

Fjóla Steindóra Kristinsdóttir, bæjarstjóri Árborgar, segir að það sé til skoðunnar að selja lóðir til að bæta úr slæmri fjárhagsstöðu sveitarfélagsins. Fundur með íbúum er fyrirhugaður á morgun. Hallarekstur sveitafélagsins tvöfaldaðist í COVID-inu.

RÚV greinir frá þessu og hefur eftir Fjólu að þegar nýr meirihluti Sjálfstæðisflokksins hafi tekið við eftir kosningar hafi blasað við að fjárhagsstaðan hafi ekki verið góð. Sjálfstæðisflokkurinn hefur stýrt bæjarfélaginu næstum alfarið síðustu 13 ár. Hreinn meirihluti Sjálfstæðisflokksins stýrði bæjarfélaginu frá 2010 til 2018. Á árunum 2018 til 2022 var meirihlutinn skipaður Samfylkingu, Framsókn, Áfram Árborg og Miðflokknum. Hreinn meirihluti Sjálfstæðisflokksins tók svo aftur við ári 2022.

„En það sem kannski við gerðum okkur ekki grein fyrir var að þetta myndi snúast svona hratt til verri vegar út af ytri aðstæðum sem eru náttúrulega fleiri sveitarfélögum ekki góðar heldur. Við erum með verðtryggð lán og verðbólgan í hæstu hæðum. Auðvitað launahækkanir og almennar hækkanir og ýmislegt sem hefur verið að spila þar inn í. Frost á fasteignamarkaði og þar af leiðandi minnkandi tekjur,“ segir Fjóla við RÚV.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina