Guðrún Hafsteinsdóttir var ráðherra í dag meðal annars vegna krafna Sunnlendinga í Sjálfstæðisflokknum sem segja kjördæmið eiga fyrir ráðherra, að kjósendur þar eigi rétt á fulltrúa í ríkisstjórn. Úr Suðurkjördæmi komu 7.296 atkvæði af þeim 48.708 Sjálfstæðisflokkurinn fékk í kosningunum haustið 2021. En úr kjördæmi Jóns Gunnarssonar, suðvesturkjördæmi, komu 17.727 atkvæði. Þegar Jón var í ríkisstjórn voru tveir ráðherrar Sjálfstæðismanna úr suðvestri, Jón og Bjarni Benediktsson. Ef við skiptum atkvæðum á milli þeirra þá voru 8.864 atkvæði á bak við hvorn. Sem er meira en Guðrún hefur.

Reyndar var Jón næst fylgismesti ráðherrann í ríkisstjórninni á eftir Bjarna. Næstur kom Willum Þór Þórs­son með 8.520 atkvæði. Ef atkvæðamagn hefði átt að ráða í stólaskiptunum, hefði Guðrún átt að koma inn fyrir Þórdísi Kolbrúnu Reykfjörð Gylfadóttur, sem er fylgisminnst allra ráðherra með 3.897 atkvæði.

Listinn yfir atkvæði á bak við ráðherra er svona í dag:

Þarna eiga öll kjördæmin ráðherra nema Norðausturkjördæmi. Njáll Trausti Friðbertsson oddviti Sjálfstæðismanna skilaði lista sínum 4.346 atkvæðum, sem þykir ekki mikið fyrir flokkinn í því kjördæmi. Líneik Anna Sævarsdóttir uppskar líka undir væntingum fyrir Framsókn, en þó 6.016 atkvæðum, sem er meira en bæði Lilja og Ásmundur Einar drógu í hús. Bjarkey Olsen Gunnarsdóttir náði 3.040 atkvæðum, minna en þrír ráðherrar Vg.

Ef atkvæði ein ættu að ráða, og ef atkvæðum er skipt á hefðbundinn hátt (oddviti fær öll atkvæði kjördæmi, annar maður helminginn, þriðji þriðjung o.s.frv.) ætti Jón Gunnarsson að koma aftur inn í ríkisstjórn fyrir Þórdísi Kolbrúnu og Líneik Anna fyrir Lilju Alfreðsdóttur.

En atkvæðin ráða ekki ráðherravali. Þau skipta máli, en ekki öllu máli.