„Það sem hér er á ferðinni er að öfga­full­ur komm­ún­isti stjórn­ar mat­vælaráðuneyt­inu og virðist hata allt nema rík­is­rekst­ur. Hún er greini­lega að máta sig við nýja stjórn­ar­hætti. Það er að mínu mati með ólík­ind­um að Sjálf­stæðis­flokk­ur­inn og Fram­sókn­ar­flokk­ur­inn skuli hafa af­hent henni mat­vælaráðuneytið,“ sagði Kristján Loftsson í viðtali við Morgunblaðið í dag.

Ólgan vegna ákvörðunar Svandísar Svavarsdóttur matvælaráðherra um að fresta hvalveiðum til haustsins heldur áfram að magnast. Í kvöld verður fundur í Gamla kaupfélaginu á Akranesi þar sem mótmæla á þessari ákvörðun. Vilhjálmur Borgisson formaður Verkalýðsfélags Akraness hvetur alla til að mæta á fundinn því gríðarlegir hagsmunir séu í húfi fyrir Akurnesinga og nærsveitunga.

„Matvælaráðherra hefur tilkynnt komu sína á fundinn ásamt nokkrum þingmönnum úr kjördæminu en öllum þingmönnum kjördæmisins var boðið sérstaklega á fundinn sem og þingflokksformönnum allra stjórnmálaflokka á Alþingi,“ skrifar Vilhjálmur á Facebook.

Þingflokkur Sjálfstæðismanna kemur saman fyrir helgi til að ræða þetta mál.

Í Morgunblaði dagsins er ákvörðun Svandísar lýst sem mistökum í stríði við náttúverndarsamtök

„Ákvörðun Svandís­ar bar upp sama dag og friðun­ar­segg­ur­inn Paul Wat­son boðaði komu sína á Íslands­mið, en hann þakk­ar sér að sjálf­sögðu það að ráðherr­ann hafi lúffað. Það er hneisa að ís­lenska ríkið virðist láta und­an hót­un lög­lausra aðgerðasinna.

Verra er að þar eru miklu meiri hags­mun­ir lagðir að veði. Ekki hval­veiðarn­ar, sem litlu skipta efna­hags­lega, þó skeyt­ing­ar­leysi ráðherr­ans um lífsviður­væri launa­fólks veki undr­un, held­ur rétt­ur Íslend­inga til hag­nýt­ing­ar nátt­úru­auðlinda lands­ins okk­ar og hafs­ins um­hverf­is það.

Nú þegar hafa alþjóðleg nátt­úru­vernd­ar­sam­tök gert at­huga­semd­ir við fisk­veiðar al­mennt, þar á meðal við Ísland, þó all­ir þeir sem til þekkja viður­kenni að hvergi í heim­in­um séu fisk­veiðar í haf­inu stundaðar af meiri ábyrgð; án rán­yrkju og án rík­is­styrkja við sjáv­ar­út­veg.

Falli stjórn­völd frá áður óum­deild­um rétti Íslend­inga til ábyrgr­ar auðlinda­nýt­ing­ar þarf eng­inn að ef­ast um að skör­in fær­ist upp á bekk­inn. Þeir hags­mun­ir geta ekki orðið meiri. Íslenskt sam­fé­lag er reist á rétti lands­manna til lífsviður­vær­is af gæðum lands og sjáv­ar, en án hans er Íslands­byggð úr sög­unni,“ segir Mogginn og lætur sem fiskveiðar Íslendingar séu í hættu vegna ákvörðunar Svandísar.