Völdu leið sem minnkar ekki bilið milli ráðherra og þingmanna

Ríkisstjórnin samþykkti í morgun að leggja fram frumvarp á þingi um að takmarka hækkanir til kjörinna fulltrúa og æðstu embættismanna við 2,5%. Þingmenn munu verða 1.380 kr., hækka um tæp 34 þús. kr. Forsætisráðherra hækkar upp í 2.532 þús. kr. eða um 62 þús. kr.

Það sem vekur athygli við þetta er að forsætisráðherra fær næstum því þakið í öðrum samningum, sem var 66 þús. kr. Þingmennirnir fá hins vegar mun minni hækkun.

Ef ríkisstjórnin hefði farið eftir öðrum samningum hefði þingfararkaupið hækkað í 1.412 þús. kr. Það var áður 54,5% af launum forsætisráðherra en hefði orðið 55,7% ef launajöfnunaráhrif flatrar krónutöluhækkunar hefði verið látin gilda.

Það er margir þingmenn með hærri laun en nemur þingfararkaupi. Þeir fá álag vegna setu í forsætisnefnd, fyrir formennsku eða varaformennsku í nefndum og fyrir að vera formenn flokka. Ef þingfararkaupið hefði verið hækkað um 66 þús. kr. hefðu þessar álagsgreiðslur hækkað hlutfallslega. Formenn stjórnmálaflokka, sem ekki eru ráðherrar, hefðu þannig hækkað um 99 þús. kr. Laun þeirra eru í dag 81,7% af launum forsætisráðherra en hefðu orðið 83,5%.

Þetta kann að hafa spila inn í þessa ákvörðun að hækka laun kjörinna fulltrúa og æðstu embættismanna um 2,5% en ekki 66 þús. kr.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina