Almenn hrifning ríkir yfir tveimur kvikmyndum þetta sumar. Önnur segir sögu af dúkkunni Barbie, en hin fjallar um þann vísindamann sem öðrum fremur bar ábyrgð á þróun kjarnorksuprengjunnar, Robert J. Oppenheimer. Sameiginleg markaðssetning myndanna tveggja, sem voru frumsýndar sama dag, hefur ekki farið fram hjá mörgum. Í hefur hins vegar tekið að bera á reiði yfir markaðsherferðinni, sem geri lítið úr þjáningum fórnarlamba sprengjanna sem Bandaríkin vörpuðu á borgirnar Hiroshima og Nagasaki í lok síðari heimsstyrjaldar.

Universal framleiðir Oppenheimer en Warner Bros. framleiðir Barbie. Myllumerkið #barbenheimer hefur sést víða, þar sem titlum myndanna tveggja er skeytt saman í eitt orð. Meðal notenda samfélagsmiðla í Japan ber nú aftur á móti töluvert á myllumerkinu #nobarbenheimer.

Meðal þeirra sem hafa mótmælt sameiginlegri markaðssetningu myndanna er dótturfyrirtæki Warner Bros. í Japan. Um slíkt eru fá dæmi og urðu mótmæli dótturfyrirtækisins til þess að í dag, þriðjudaginn 1. ágúst, lét Warner Bros. í Bandaríkjunum frá sér yfirlýsingu þar sem fyrirtækið sagðist „harma óvarkára beitingu samfélagsmiðla nýverið“ og baðst „innilega afsökunar“.

New York Times hefur fjallað um málið, meðal annarra miðla.