Segir þingmenn verða að sannfæra flokksfólk um að þeir séu trúir grunnhugsjónum flokksins

„Traust grundvallast á því sem menn sýna í verki, en skrum grefur undan trausti. Ef flokksráðsfundurinn á að skila árangri þarf þar að eiga sér stað kraftmikil umræða, ekki orðagjálfur, um sjálfstæðisstefnuna í framkvæmd. Þar verða kjörnir fulltrúar að sannfæra fundarmenn um það að þeir séu í reynd „trúir grunnhugsjónum“ og að hugur fylgi máli þegar vísað er til þeirra í ræðum og greinum,“ skrifar Arnar Þóir Jónsson, varaþingmaður Sjálfstæðisflokksins, í Mogga dagsins.

Arnar Þór nefnir tvö mál sem hann vill fá skýra afstöðu frá kjörnum fulltrúum flokksins á fundinum á morgun:

„Ætla þingmenn og ráðherrar að standa vörð um sjálfstæðis- og frelsishugsjón flokksins í umræðum um ný sóttvarnalög? Er frumvarp utanríkisráðherra um bókun 35 í samræmi við þá grundvallarhugsjón Sjálfstæðisflokksins að lögin eigi sér lýðræðislega rót?“ spyr Arnar.

„Hyggjast þingmenn og ráðherrar standa gegn hugmyndum forsætisráðherra um takmörkun á tjáningarfrelsinu, sbr. þingsályktunartillögu um „aðgerðaáætlun gegn hatursorðræðu fyrir árin 2023-2026“?“ spyr hann líka.

Arnar Þór er formaður Félags Sjálfstæðisflokksmanna um fullveldismál, en þrír aðrir félagar í því félagi skrifa sameiginlega í Mogga dagsins, Birgir Örn Steingrímsson, Jón Kári Jónsson og Júlíus Valsson. Í grein þeirra kemur fram að félagið mun leggja fram tillögu til ályktunar á fundinum á morgun, sem hljóðar svo: „Flokksráð Sjálfstæðisflokksins hvetur utanríkisráðherra til að draga til baka frumvarp til laga um breytingar á lögum um Evrópska efnahagssvæðið nr. 2/1993 (bókun 35). Sjálfstæðisflokkurinn mun standa vörð um fullveldi Íslands og frelsi þjóðarinnar til að setja sín eigin lög án ytri þvingunar. Félagsmenn í FSF skora á alla sjálfstæðismenn að standa vörð um grunngildi og stefnuskrá flokksins með frelsi, lýðræði og fullveldi Íslands að leiðarljósi.“

Það er því augljóst að fullveldissinnar ætla að láta sverfa til stáls á fundinum, neyða kjörna fulltrúa til að samþykkja eða hafna því að sem fullveldissinnarnir telja grunnstefnu flokksins.

Það var rætt við Arnar Þór í vikunni við Rauða borðið þar sem hann fór yfir þessa stöðu. Viðtalið má sjá og heyra hér:

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina