Stjórnvöld hafa ekki fyrir því að kenna erlendum börnum íslensku: „Mig langar stundum að gráta“

„Í meira en tvö ár hef ég verið að berjast fyrir því að við útlendingar getum lært íslensku á Íslandi. Fyrst beitti ég mér í þágu fullorðinna en núna eru það krakkarnir sem eru mitt hjartans mál. Mig langar stundum að gráta yfir því hvað erlend börn fara í gegnum á Íslandi. Við erum svo sannarlega að bregðast þeim!“

Þetta skrifar Lina Hallberg innan Facebook-hópsins Málspjall en hún segir að það sé þyngra en tárum taki að fylgjast með íslenskukunnáttu bekkjarfélaga sonar hennar. Hann er´i öðrum bekk í grunnskóla en Lina áætlar að 7 af 24 nemendum tali nær enga íslensku.

„Sonur minn er í öðrum bekk. Í lok 1. bekkjar voru þau 19 nemendur, þar af einn strákur sem var nýfluttur til Íslands frá Úkraínu. Eftir sumarfríið mættu 18 nemendur en á fyrstu tveimur vikunum bættust fjórir við hópinn. Í þessari viku byrjuðu aftur tveir nýir nemendur. Núna tala 7 af 24 nemendum, þ.e. 29,16%, næstum enga íslensku og a.m.k. þrír eru tvítyngdir,“ segir Lina og heldur áfram:

„Kennarinn er frábær en ég myndi ekki vilja vera í hennar sporum. Hún hefur aldrei fengið menntun í að kenna íslensku sem annað mál og svo á hún ekki einu sinni heildstætt og faglega unnið aldursmiðað námsefni sem hún gæti gripið í. Það er því miður ekki einsdæmi að margir í bekknum eigi annað mál en íslensku að móðurmáli. Í Fellaskóla í Breiðholti eru t.d. 85% af krökkunum af erlendu bergi brotin.“

Eiríkur Rögnvaldsson, fyrrverandi prófessor í íslensku við Háskóla Íslands, tekur undir með Linu og segir stjórnvöld beri ábyrgð á þessu ástandi. „Þetta er skelfilegt ástand. Stjórnvöld lofa aðgerðum en ekkert gerist. Það átti að leggja aðgerðaáætlun fram í mars en því var frestað. Svo átti að leggja hana fram í október en hún er ekki komin enn. Og jafnvel þótt hún komi – og verði samþykkt einhvern tíma í vetur – er ekkert í fjárlögum eða fjármálaáætlun sem bendir til þess að hún verði fjármögnuð,“ skrifar Eiríkur.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina