Þjóðarstolt Íslendinga vegna Grammy verðlauna Laufeyjar í gærkvöld fyrir plötuna Bewitched virðist vera á blússandi siglingu. Virðist sem árangurinn fari jafnvel langt með að bæta upp vonbrigðin að Ísland komist ekki á ólympíuleikana með handboltaliðið!

Lilja Alfreðsdóttir menningarmálaráðherra er í hópi þeirra sem hafa óskað Laufeyju til hamingju. Lilja segir verðlaunin risastóran áfanga fyrir Laufeyju en ekki síst íslenskt menningarlíf.

Margir tónlistarmenn og fagmenn hafa stigið á stokk og tjáð sig um afrek Laufeyjar sem enginn vissi að væri til fyrir nokkrum misserum. Lög hennar eru undir sterkum áhrifum af jazz. Hefur Laufey í viðtölum nefnt stjörnur sem voru þekktastar á miðri síðustu öld sem sumar helstu fyrirmyndir svo srm Ellu Fitzgerald.

Margir benda líka á að verðlaunin séu sigur fyrir tónlistarmenntun. Leitun er að menntaðri popp-manneskju en Laufeyju sem spilar á selló, gítar og mörg fleiri hljóðfæri og er alin upp í klassísku umhverfi.

Kemur víða fram á samfélagsmiðlum að Laufey hafi fundið kjarna tónlistarinnar sem hafi vikið fyrir auto-tune og útlitsdýrkun.

Mynd: AP