Það er „óskapnaður“ að lagareldisfrumvarp ríkisstjórnarinnar sem liggur fyrir Alþingi feli það í sér að náttúruvernd lúti í gras fyrir sérhagsmunum erlendra auðmanna.
Þetta sagði Jóhannes Sturlaugsson líffræðingur sem hefur fylgst með laxfiskum áratugum saman í sjó í viðtali við Gunnar Smára Egilsson við Rauða borðið á Samstöðinni í gær.
Niðurstaða líffræðingsins er að út frá náttúruverndarsjónarmiðum gangi sjókvíaeldi í opnum kvíum á Vestfjörðum alls ekki. Hættan sé sérlega mikil hér á landi þar verið sé að blanda norskum laxi saman við íslenskan. Kerfið sé handónýtt og gagnrýnir Jóhannes ríkisstjórnina harðlega.
„Þetta er allt á einhverjum markaðsforsendum.“
Alþjóðlegum skuldbindingum Íslands gagnvar líffræðilegum fjölbreytileika er í engu sinnt með frumvarpinu sem veitir sjvókvíafyrirtækjum ótakmarkaðan afnotarétt á fjörðum landsins að hans sögn. Vistkerfi landsins undir miklu álagi. Endalaust bætist við lögfræðinga í ráðuneytum en enginn þeirra sé með þekkingu á umhverfisvernd eða náttúru heldur þvert á móti að sögn líffræðingsins.
Sjá viðtalið við Jóhannes hér:
