Flugvirkjar í Noregi á barmi verkfalls – Réttindabaráttan sem skelfir fluggeirann

Það er mikil spenna fyrir fundi ríkissáttasemjara (Riksmekleren) á morgun, þar sem fulltrúar frá Norska flugvirkjafélaginu (NFO) og NHO Luftfart munu reyna að ná sáttum til að forða verkfalli.

NFO-félagar, flugvirkjarnir sem tryggja öryggi og viðhald flugvéla, berjast ekki aðeins fyrir launum heldur einnig fyrir virðingu og réttindum sínum sem stétt.

NHO Luftfart barðist fyrir algjörum sveigjanleika og yfirráðum yfir frítíma starfsfólksins. Þeir reyndu jafnframt að svipta NFO réttinum til að semja fyrir hönd félagsmanna sinna, sem var talið vera tilraun til niðurbrots stéttarfélagsins „e. union busting.“

„Félagsmenn okkar upplifa að þeir séu undirokaðir,“ sagði Jan Skogseth, leiðtogi NFO, með reiði í röddinni. „Viljinn til að fara í verkfall er sterkur til að standa gegn þessari kúgun.“

Staðan versnaði enn þegar NHO Luftfart neitaði að gera undanþágusamning sem tryggði að mögulegt verkfall myndi ekki hafa áhrif á sjúkraflug. Þetta er talið vera gróflega ábyrgðarlaus leikur með öryggi og velferð borgaranna og tilraun til að þrýsta á stjórnvöld til að beita neyðarlögum á verkfallsaðgerðir flugvirkja.

Þrátt fyrir skrýtna hegðun samtaka atvinnurekenda, NHO, gengur stéttarfélagið NFO til sáttamiðlunar með vilja til að byggja brýr. Þeir leitast við að finna sanngjarna lausn fyrir báða aðila.

En bilið á milli deiluaðila er ekki auðvelt að brúa og ef þessi tilraun til sáttamiðlunar mistekst er verkfall óhjákvæmilegt. Engu að síður lofaði NFO að framkvæma verkfall á ábyrgan hátt sem myndi ekki trufla sjúkraflug

Deilan milli NFO og NHO Luftfart varð fljótlega að grundvallarmáli, baráttu fyrir réttindum verkafólks og hlutverki stéttarfélaga í samfélaginu. Þetta varpaði ljósi á viðkvæmni fluggeirans og mikilvægi starfa flugvirkja.

Tímalína:

12. júní: Upp úr samningaviðræðum NFO og NHO Luftfart. Aðilar standa langt á milli í sýn sinni á laun og vinnutíma.

14. júní: Umboðsmaður er fenginn til að reyna að miðla málum milli aðila.

18. júní: Sáttamiðlun hefst. NFO varar við því að þeir séu reiðubúnir til að fara í verkfall ef sáttamiðlun leiðir ekki til árangurs.

21. júní (fyrirhugaður): Ef sáttamiðlun gengur ekki upp munu flugvirkjar fara í verkfall frá miðnætti til föstudags.

Mynd: Jan Skogseth, leiðtogi NFO

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina