Það skiptir öllu máli að halda áfengisneyslu frá börnum sem lengst. Best væri ef ungt fólk snerti ekki áfengi fyrr en eftir 25 ára aldur vegna þroska heilans, en neysla getur skaðað framheilann óafturkræft.
Þetta segir Katrín Ella Jónsdóttir sálfræðingur og fagstjóri sálfélagslegrar meðferðar á Vogi. Hún ræddi vanda ungra notenda við Rauða borðið á Samstöðinni í gærkvöld. Því yngri sem við erum þegar við hefjum neyslu alkóhóls því meiri líkur eru á vanda.
Í þessu ljósi vakna spurningar um stóraukið aðgengi að áfengi síðustu misseri. Sífellt fleiri dreifingarstöðvar áfengis miðla áfengi eftir pöntununum á öllum tímum. Normalíseringu drykkju á íþróttaviðburðum er teikn um breyttan og varasaman tíðaranda.
Viðtalið við fulltrúa SÁÁ er lokahnykkur fréttastofu Samstöðvarinnar í bili um áfengismál. Alla vikuna hefur verið umfjöllun um ungt fólk, meinta aukna drykkju ungmenna og margvíslegar áskoranir, þar sem vísbendingar eru um að vandanum sé stungið undir stól í nafni frelsis og óheftra áhrifa markaðsaflanna.
