Sturlun að Heiða sé með 3 milljónir á mánuði

Sólveig Anna Jónsdóttir, formaður Eflingar, segir ofurlaun borgarstjóra vera ígildi sturlunar.

Sólveig Anna deilir á félagfsmiðlum launakjörum borgarstjóra af vef Reykjavíkurborgar þar sem fram kemur að mánaðarleg umbun Heiðu Bjargar Hilmisdóttur eru rétt tæplega þrjár milljónir.

„Þvílík sturlun. Svo þegar þetta fólk lætur af embætti þykist það aldrei hafa tekið sér frí, voðalegur bömmer, og fær því með sér sem kveðjugjöf orlofsgreiðslur upp á margar milljónir eins og ekkert sé. Svo er fólk undrandi á því að ekkert gangi að hemja launaskrið og ná niður verðbólgu,“ segir Sólveig Anna.

Hún bætir við að pólitísk yfirstétt fari á undan með ömurlegu fordæmi og skammti sér milljónir eins og ekkert sé meðan hún ráði ekki einu sinni við að tryggja sómasamlega grunnþjónustu.

„Hvaða hvata hefur þessi yfirstétt til þess að sýna ráðdeild – bókstaflega enga, fær að komast upp með hvað sem er – enda á ráðdeildin aðeins að vera hjá láglaunafólkinu sem starfar í fjársveltum umönnunarkerfunum sem enginn þykist bera ábyrgð á.“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina