Vefurinn Global Property Guide gaf nýlega út samantekt á fasteignamörkuðum í Evrópu. Var safnað saman gögnum um fermetraverð á fasteignamörkuðum og meðal-húsaleigu í löndunum á meginlandinu. Þegar þær tölur eru keyrðar saman kemur í ljós að húsaleiga sem hlutfall af kaupverði fasteigna er sextíu prósent hærri á íslandi en að meðaltali í Evrópu.

Hlutfall húsaleigu á 80-120 m2 íbúð af fermetraverði í sömu íbúð er þrjátíu og átta prósent á Íslandi. Meðaltalið á meginlandinu er hinsvegar einungis tuttugu og þrjú prósent.

Þrátt fyrir þessa staðreynd þá kom Kári S. Friðriksson hagfræðingur Húsnæðis og mannvirkjastofnunar nýlega fram í viðtali á mbl.is og hafði þetta að segja um hlutfall húsaleigu af fasteignaverði „leigu­verð hafi aldrei verið lægra í hlut­falli við fast­eigna­verð„. Gunnar Þór Gíslason stjórnarformaður og einn eiganda Ölmu leigufélags hefur svo verið duglegur við að enduróma ummælin sem hann lítur á sem stuðning við hækkunarbylgju leigufélagsins.

Með þessu háa hlutfalli húsaleigu af fasteignaverði þá skipum við okkur í hóp fjögurra annarra ríkja þar sem meðaltalið er um og yfir fjörutíu prósent, en það eru Svartfjallaland, Moldóva, Litháen og Rúmenía.

Hér er hægt að sjá listann en í hann vantar tvö lönd sem við berum okkur gjarnan saman við eða Írland og Finnland:

Heimildir:

https://www.globalpropertyguide.com/Europe/Denmark/square-meter-prices
https://www.globalpropertyguide.com/Europe/rent