Húsaleiga hækkað tvölfalt meira en verðlag

Frá því janúar 2011 og fram til dagsins í dag hefur húsaleiga hækkað tvöfalt meira en verðlag. Þrátt fyrir að ítrekað hafi verið rætt um að húsaleiga á Íslandi hafi farið lækkandi undanfarin misseri þá sýnir vísitala húsaleigu hjá Þjóðskrá Íslands hið gagnstæða með áberandi hætti. Enn heldur húsaleiga áfram að hækka umfram verðlag, í maí 2020 var vísitalan í 195,3 punktum er situr núna í 218,9 pkt, sem er hækkun uppá 12,2%.

Þetta er framhald af hækkunum á húsaleigumarkaði sem byrjuðu á árunum 2010-2011, eða á sama tíma og fyrirferð stóru leigufélagana Heimstaden og Alma jókst á leigumarkaði og uppkaup eignafólks og lögaðila á húsnæði. Frá ársbyrjun 2011 hefur vísitala húsaleigu á Íslandi hækkað um 118,9%, á sama tíma og meðalhækkun húsaleigu á meginlandi Evrópu var 16%. Hækkun á íslenskum leigumarkaði er tæplega áttfalt meiri en á meginlandinu.

Verðsjá húsaleigu mælir einnig 12.8% hækkun á fermetraverði á 80-110 fm íbúðum í Reykjavík frá því í maí 2021 og er því um nokkuð áreiðanlega mælingu að ræða. Á sama tíma hefur verðlag hækkað um 10.5%.

Frá því í janúar 2011 hefur verðlag hins vegar hækkað um 52,9% en húsaleiga um 118,9%. Húsaleiga hefur því hækkað tvöfalt meira en verðlag og einnig fjórðungi meira en lágmarkslaun sem hafa hækkað úr 197 þús. kr. árið 2011 í 368 þús. kr. í ár, eða um 87%.

Dregið hefur úr hækkunum á húsaleigu sem og samfylgni húsnæðisverðs og húsaleigu undanfarið ár, þrátt fyrir að hækkun húsaleigu sé enn umfram hækkun verðlags. Á tímabilinu 2011–2021 var samfylgni húsaleigu við hækkandi húsnæðisverðs á Íslandi ríflega helmingi hærri en meðaltalið á meginlandinu. Mátti þá greina í ræðu og riti á Íslandi að ástæða hækkandi húsaleigu væri hækkandi fasteignaverð, það þrátt fyrir að hverfandi hluti þeirra íbúða sem komu inn á leigumarkaðinn báru þann fjármagnskostnað sem notaður var til að réttlæta hækkanir.

Framundan eru fyrirsjáanleg töluverð lækkun á fasteignaverði sem gæti þýtt að húsaleiga fari einnig lækkandi ef sömu kraftar virka í báðar áttir.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Þú getur skráð þig hér: Skráning félaga

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina