Fá háan ríkisstyrk en greiða hluthöfum 24 milljarða

Í desember mun Origo greiða hluthöfum sínum 24 milljarða króna i kjölfar á sölu eignarhlut Origo í hugbúnaðarfélaginu Tempo. Þessi tvö félög eru meðal þeirra fyrirtækja sem hafa fengið mikinn og vaxandi skattaafslátt vegna rannsókna og þróunar, á núvirði samtals um 1.289 m.kr. á síðustu þremur árum. Þótt ríkið hafi lagt þetta til félaganna tveggja fær það engan hlut af þessum útgreidda arði.

Þessi skattaafsláttur hefur hækkað mikið í tíð núverandi ríkisstjórnar. Það er liður í einkavæðingu nýsköpunar, að færa áhersluna frá opinberum stofnunum og sjóðum yfir til fyrirtækjanna, sem geta þá sótt beint um styrki með því að framvísa kostnaðarreikningum. Bent hefur verið á að þetta kerfi sé stórgötótt, lítið eftirlit sé með hvort sá kostnaður sem fyrirtækin benda á sé í reynd nýsköpun, rannsókn eða þróun umfram það sem fyrirtækin hefðu hvort sem er staðið fyrir. Í umsögn um frumvarp Viðreisnar, þar sem átti að festa þetta kerfi til langframa, benti Skatturinn á að nánast ómögulegt væri að hafa eftirlit með þessu, að greina á milli venjulegs rekstrar og rannsóknar og þróunar.

Og þetta sést af ásókninni. Fyrir fáum ár nam þessi skattafsláttur um 1,5 milljarði króna en verður 11,6 milljarðar króna í ár. Sem eru um 15% af áætluðum tekjuskatti fyrirtækja í fjárlagafrumvarpi fyrir yfirstandandi ár. Þessi ráðagerð er því í reynd skattalækkun á fyrirtæki þar sem formið er þannig að þeir fá sem sækja um. Og eins og í dæmi Origo þá eru engar kvaðir um endurgreiðslu ef í ljós kemur að fyrirtækin þurfi alls ekki á styrkjum að halda.

Origo er í meirihluta í eign ýmissa lífeyrissjóða. Stærsti einkafjárfestirinn er Frigus II ehf. en það er félag þeirra Bakkavararbræðra Lýðs og Ágúst Guðmundssona og Sigurðar Valtýssonar, fyrrverandi forstjóri fjárfestingarfélags þeirra bræðra Exista, sem fór á hausinn í Hruninu. Eins og oft er í skráðum fyrirtækjum á Íslandi, þar sem lífeyrissjóðir eiga meirihluta hlutafjár, er þetta félag mjög leiðandi innan Origo.

Myndin er af þeim Lýð og Ágústi Guðmundssyni sem njóta bæði skattaafsláttar og hárra arðgreiðslna.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina