Bjarkey Olsen Gunnarsdóttir, þingkona VG og varaformaður flokksins, er sögð hafa flogið til París á dögunum á fyrsta farrými. Þangað var hún að fljúga á vegum fjárlaganefndar í svokallaða fræðsluferð. 

Viðskiptablaðið fullyrðir þetta í nafnlausum skoðanapistli. Þar segir: “Var hún að hugsa um hvernig hægt væri að jafna kjörin í landinu. Þannig að allir sætu við sama borð, gætu leyft sér það sama og notið sömu lystisemda lífsins? Nei. Bjarkey Olsen var upptekin við annað og mikilvægara.

Hún sat á Saga Class fyrir alþýðuna, sötraði smá hvítt og horfði á bíómynd. Á meðan sátu aðrir fjárlaganefndarmenn á Monkey class, eins og flugfreyjurnar kalla síðra farrýmið sín á milli.”